बागलुङ । आदर्श सञ्चार सहकारी संस्था लिमिटेड बागलुङले पत्रकार तथा कर्मचारीलाई क्षमता अभिबृद्धि तालिम दिएको छ ।तालिमको उद्घाटन गर्दै संघीय सांसदमनकुमारी जिसीले सहकारी मार्फत समृद्धि हासिल गर्ने ठुलो अवसर र संभावना रहेको बताउनुभयो ।
त्यसका लागि सहकारी र सञ्चारमा कार्यरत कर्मचारीहरुको क्षमता अभिबृद्धि गरेर दक्ष बनेर सेवामा दृढ र समर्पित हुनु पर्नेमा जोड दिनुभयो । ‘कर्मचारीको व्यवहार र कार्यशैली कस्तो छ भन्ने कुराले पनित्यो संस्थाको पहिचानमा फरक पार्दछ,’ सांसद केसीले भन्नुभयो ‘त्यसैले तपाईहरु सिक्ने र आफ्नो जिम्मेवारी कुशलतापूर्वक निर्वाह गर्ने दिशामा अग्रसर हुनुस् त्यसले तपाईको व्यक्तिगत र संस्थाको जिवनमा टेवापुग्छ ।’
तालिमको सहजिकरण गर्दै राष्ट्रिय सहकारी बैंकका संचालक तथा संस्थाका सम्पादक रामबहादुर जिसीले हरेक संस्थाको सफलताको लागि योजना, प्रतिबद्धता र दृढ इच्छाशक्तिले मात्र लक्ष्य हासिल गर्न सक्ने बताउनु सक्नुभयो ।
सबैभन्दा भाग्यमानी काम गर्ने व्यक्ति हुने भन्दै इमान्दार पूर्वक आफ्नो जिम्मेवारी निर्वाह गर्ने क्षमता विकास गर्नु पर्ने बताउनुभयो ।संस्थाका अध्यक्ष हुमाकुमारी जिसी ‘अञ्जु’ले संस्थाको सफलताका कमर्मचारीको इमान्दार, लगाब जरुरी भएको र त्यसका लागि समय अनुकुल आफ्नो क्षमता विकास गर्नमा तत्पर रहनु पर्ने बताउनुभयो ।
कार्यक्रममा संस्थाका सह–सचिव सरस्वती खड्का परियारको स्वागत र सचिव ललिता थापाको संचालनमा सम्पन्न भएको थियो ।
तालिममा सहकारीका विभिन्न शाखा र सञ्चार शाखाका २४ पत्रकार कर्मचारीको सहभागीता रहेको थियो ।
वि.सं.२०७७ साउन १७ शनिवार २१:१७ मा प्रकाशित
