काठमाडौं । एनआईसी एशिया बैंकले गतवर्षको नाफाबाट शेयरधनीलाई २० प्रतिशत लाभांश दिने भएको ।
बैंकको सञ्चालक समितिको बैठकले १९ प्रतिशत बोनस शेयर र १ प्रतिशत नगद लाभांश कर वापत दिने निर्णय गरेको हो । राष्ट्र बैंकले स्वीकृति दिएपछि शेयरधनीले सो लाभांश पाउने छन् ।
अहिले बैंकको चुक्ता पुँजी ९ अर्ब ७१ करोड रुपैयाँ छ । बैंकले सेयरधनीलाई १ अर्ब ९४ करोड रुपैयाँको बोनस सेयर र ९ करोड ७२ लाख रुपैयाँको लाभांश कर प्रयोजनका लागि दिनेछ ।
बैंकले गत आार्थिक वर्ष २०७६/०७७ मा प्रति सेयर आम्दानी ३१.८९ रुपैयाँ आर्जन गर्न सफल भएको थियो भने खुद मुनाफातर्फ वार्षिक बिन्दुगत आधारमा ज्यादै कम वाणिज्य बैंकहरू मध्ये यस बैंकले २.४९ प्रतिशत (रू. ७.५२ करोड) को वृद्धिसहित ३ अर्ब ९ करोड रुपैयाँ आर्जन गर्न सफल भएको थियो ।
बैंकको स्व–पुँजीमा प्रतिफल १९.२६ प्रतिशत रहेको छ र यस बैंक स्व–पुँजी प्रतिफलमा मुलुकका निजी क्षेत्रका बैंकहरू मध्ये प्रथम बैंक रहन सफल भएको छ ।
वि.सं.२०७७ कात्तिक ५ बुधवार १९:४४ मा प्रकाशित
