काठमाडौं । राष्ट्रिय योजना आयोगका उपाध्यक्ष प्रा.डा पुष्पराज कंडेलले मयुरधाप औद्योगिक क्षेत्रमा देखिएका समस्या तत्काल समाधान गर्न उद्योग वाणिज्य तथा आपूर्ति मन्त्रालयलाई निर्देशन दिनुभएको छ ।
आर्थिक वर्ष २०७७/०७८ को प्रथम चौमासिकसम्मको प्रगति समीक्षा बैठकमा उपाध्यक्ष कंडेलले यस्तो निर्देशन दिनुभएको हो । उहाँले आगामी विकास समितिको बैठक अघि नै यो समस्या समाधान गर्न निर्देशन दिनुभयो । उहाँले त्यो काम समाधान गर्नको लागि आयोगबाट कुनै सहयोग आवश्यक परे त्यसमा आयोगले सघाउने बताउनुभयो ।
बैठकमा उपाध्यक्ष कंडेलले सिमन्ट उद्योगमा भौतिक पूर्वाधार पुर्याउनको लागि ध्यान दिन आग्रह गर्नुभएको छ । सरकारले भौतिक पूर्वाधार पुर्याउने भनेर योजना बनाएको तर त्यो अनुसार काम नभएको उहाँको दाबी छ ।
चालु आवको प्रथम चौमासिकमा मन्त्रालयले कार्यविधि, ऐन, कानून बनाएको जानकारी गराएपनि अब बजेट खर्चमा लाग्न सुझाव दिएका छन् ।
बैठकमा योजना आयोगका सदस्य डा रामकुमार फुँयालले मन्त्रालयका निकायले.बजार अनुगमन मात्रै गरेको र त्यसको प्रभाव कम भएको दाबी गर्नुभयो । उहाँले बजार मूल्य उस्तै रहेको र गुणस्तरमा ध्यान जान आवश्यक रहेको बताउनुभयो ।
बैठकमा मन्त्रालयकासचिव बैकुन्ठ अर्यालले यो चार महिनामा ऐन कानून निर्माणमा लागेको बताउनुभयो । पुँजीगत खर्च बढाउन ऐन कानूनले रोकेको भन्दै अब कानूृन बनेपछि बजेट खर्च बढने बताउनुभयो । उहाँले इन्ट्रिग्रेटेड सप्लाई सिस्टम बनाउने काम जारी रहेको जानकारी गराउनुभयो ।
आन्तरिक सप्लाई सिस्टम मिलाउन आवश्यक रहेको र त्यसको सूचना सहजै पाउन सकिने उहाँको भनाइ छ । यो प्रारम्भिक चरणमा नै रहेको उहाँको दाबी छ । चामल प्रतिबन्ध नलगाएको भएर आएको हो । आयात प्रतिबन्ध नलगाको समय आयात भएको समान कति खपत भयो भन्नेमा भर पर्ने उहाँको भनाइ छ ।
वि.सं.२०७७ मंसिर २३ मंगलवार १६:३६ मा प्रकाशित
