काठमाडौं । नेपाल स्टक एक्सचेञ्ज (नेप्से)ले मंगलवार सनराइज बैंक लिमिटेडको बोनस शेयरको मूल्य समायोजन गरेको छ ।
नेप्सेले ५ दशमलव ८० प्रतिशत बोनस शेयरको समायोजनपछि शेयरमूल्य रू. २३९ तोकेको छ । कम्पनीको सोमवार कायम अन्तिम शेयरमूल्य रू. २५३ को आधारमा शेयरमूल्य समायोजन भएको हो ।
कम्पनीले लाभांश तथा साधारण सभा प्रयोजनार्थ मंगलवार बुकक्लोज गरेसँगै नेप्सेले शेयरमूल्य समायोजन गरेको हो । बुक क्लोजको आधारमा सोमवारसम्म कायम शेयरधनीहरुले मात्र सभामा भाग लिन र लाभांश प्राप्त गर्न सक्नेछन् ।
कम्पनीले ५ दशमलव ८० प्रतिशत बोनस शेयर र २ दशमलव ४८ प्रतिशत नगद लाभांश (कर समेत) पारित गर्न पुस २४ गते वार्षिक साधारण सभा बोलाएको छ । सभा बिहान १० बजे अम्रपाली ब्याङ्क्वेट बालुवाटारमा शुरु हुने कम्पनीले जानकारी गराएको छ ।
वि.सं.२०७७ पुस ७ मंगलवार ०८:५५ मा प्रकाशित