काठमाडौं । नेपाली बजार सुनको भाउ आज एकैदिन ह्वात्तै घटेको छ । साताको पहिलो दिन प्रतितोलामा दुई हजार तीन सय रुपैयाँ घटेको हो ।
नेपाल सुनचाँदी व्यवासायी महासंघका अनुसार गएको शुक्रबार तोलाको ९५ हजार तीन सय रुपैयाँमा कारोबार भएको सुनको भाउ आज तोलाको ९३ हजार रुपैयाँ तोकिएको जनाएको छ ।
यस्तै चाँदी पनि तोलामा ६० रुपैयाँ घटेर एक हजार दुई सय ७० रुपैयाँ कायम भएको छ । शुक्रबार चाँदी तोलाको एक हजार तीन सय ३० रुपैयाँमा कारोबार भएको थियो ।
वि.सं.२०७७ पुस २६ आइतवार १०:५० मा प्रकाशित