काठमाडौं । यूनाइटेड इन्स्योरेन्स कम्पनी (नेपाल) लि. को २६ औँ वार्षिक साधारणसभा सम्पन्न भएको छ । ७ माघमा होटल हिमालय कुपण्डोल, ललितपुरबाट वेबिनारमार्फत् साधारणसभा सम्पन्न भएको हो ।
सभामा सञ्चालक समितको वार्षिक प्रतिवेदन, २०७६ साल असार मसान्तसम्मको वासलात, नाफा नोक्सान हिसाब र नगद प्रवाह विवरण तथा सोसँग सम्बन्धित अनुसूची पारित भएको छ ।
साधारणसभाले आर्थिक वर्ष २०७६/०७७ का लागि बाह्य लेखा परीक्षक मदन निरौला एण्ड कम्पनी चार्टर्ड एकाउण्टेन्टलाई नियुक्त गरिएको छ ।
कम्पनीको विशेष प्रस्तावअन्तर्गत बीमा समितिको स्वीकृति बमोजिम संस्थापक समूह र सर्वसाधारण समूहको शेयर स्वामित्व संरचना परिवर्तन गरी प्रबन्धपत्र तथा नियमावलीमा संशोधन गर्न संचालक समितिलाई अख्तियारी दिने निर्णय पनि सर्वसहमतिले पारित गरिएको छ।
कम्पनीको आव २०७७/०७८ को वित्तीय विवरणमा कुल बिमा शुल्क आम्दानी ४८ करोड ८० लाख ३३ हजार ४४५ छ। कम्पनीको लगानी गत आवको तुलनामा ३.९३ प्रतिशतले वृद्धि भइ असारमसान्तमा ६९ करोड ८४ लाख ४२ हजार पुगेको छ।– प्रशिक्षार्थी पत्रकार
वि.सं.२०७७ माघ ७ बुधवार १६:२८ मा प्रकाशित
