काठमाडौं । मेगा बैंकले इन्जिनियरहरुको पेशालाई सम्मान गर्दै बिना धितो १५ लाख रुपैँयासम्म ऋण (मेगा प्रोफेसनल लोन) दिने भएको छ ।
उक्त सुविधाका लागि मेगा बैंक नेपाल लिमिटेडकी सिइओ अनुपमा खुञ्जेली र नेपाल इन्जिनियर्स एशोसियशनका अध्यक्ष इन्जिनियर प्रा.डा. त्रिरत्न बज्राचार्यले यस सम्बन्धी समझदारी पत्रमा हस्ताक्षर गर्नुभयो ।
समझदारी अनुसार इन्जिनियर्स एशोसियसनमा आबद्ध सदस्यहरुले मेगा प्रोफेसनल बचत खाता खोल्न सक्नेछन् । खाता खोल्दा १० लाख रुपैंयासम्मको दुर्घटना बिमाको व्यवस्था गरिएको छ ।– प्रशिक्षार्थी पत्रकार
वि.सं.२०७७ माघ ८ बिहीवार १०:५४ मा प्रकाशित
