काठमाडौ । नेपालमा हालसम्मकै सबैभन्दा ठूलो सौर्य उर्जा परियोजना निर्माण हुने भएको छ ।
लगानी बोर्डको अगुवाइमा ४० मेगावाट क्षमताको ब्याट्री स्टोरेज प्लान्टसहितको २५० मेगावाट क्षमताको सौर्य ऊर्जा आयोजना (सोलार प्लान्ट) बन्ने भएको हो ।
बाँकेको कोहलपुर र कपिलवस्तुको बाणगङ्गामा १२५्१२५ मेगावाटका दुई आयोजनामार्फत उक्त क्षमताको सोलार प्लान्ट बनाउन लागिएको हो । आयोजनाको विस्तृत सम्भाव्यता अध्ययन प्रतिवेदन तयार गर्न लगानी बोर्डले सिंगापुरको राइजेन इनर्जी कम्पनीसँग सम्झौता गरिसकेको छ ।
सम्झौतापत्र अनुसार उक्त दुई आयोजनाबाट २०्२० मेगावाटका दरले ४० मेगावाटको ब्याट्री स्टोरेज प्लान्ट पनि बनाउने गरी अध्ययन गरिनेछ । आयोजनाको १९ करोड अमेरिकी डलरको लागतमा निर्माण हुने बताइएको छ ।
कम्पनीले सर्वेक्षण अनुमति पाएको १२ महीनाभित्र आयोजनाको सम्भाव्यता अध्ययन प्रतिवेदन तयार गरी लगानी बोर्डमा बुझाउनेछ ।
वि.सं.२०७७ माघ १४ बुधवार १३:३५ मा प्रकाशित