काठमाडौं । नेपालमा स्थायी लेखा नम्बर (प्यान) लिने करदाताको संख्या ३९ लाख ११ हजार ४६४ पुगेको छ । फागुन महिनामा मात्रै ५ लाख ७३ हजार ९७२ जना पुगेको छ ।
अर्थमन्त्रालयले सार्वजनिक गरेको चालु आर्थिक वर्षको फागुन मसान्तसम्मको बुलेटीनको तथ्याङ्कले यस्तो देखाएको हो । उक्त अवधिमा दर्ता भएका कुल करदातामध्ये व्यवसायिक स्थायी लेखा नम्बर लिने करदाताको संख्या ३९.६ प्रतिशतले वृद्धि भएको हो ।
फागुनसम्ममा व्यवासायिक प्यान लिनेको संख्या १५ लाख ४८ हजाहर ९०४ रहेको पुगेका छन् । व्यक्तिगत स्थायी लेखा नम्बर लिने करदाता ६०.२ प्रतिशत अर्थात २३ लाख ५४ हजार ३६० पुगेको छ । करकट्टी गर्ने निकायले लिएको स्थायी लेखा नम्बर भने ८ हजार २ सय पुगेको छ ।
त्यसैगरि मूल्य अभिवृद्धि करमा दर्ता भएका करदाताको संख्या २ लाख ८२ हजार ५२६ र अन्तःशुल्कमा दर्ता हुने करदाताको संख्या १ लाख ९ हजार २९८ पुगेको छ ।
वि.सं.२०७७ चैत ३० सोमवार १७:२९ मा प्रकाशित
