काठमाडौं । नेपालगञ्जबाट कोरोनाका संक्रमित लिएर आएका दुई हेलिकोप्टर धादिङको गजुरी बजारमा आकस्मिक अवतरण गरेका छन् ।
मौसममा आएको खराबिका कारण कोरोना संक्रमित बोकेर आएको मनाङ एयर र अल्टिच्यूट एयरको हेलिकोप्टर धादिङ जिल्लाको गजुरीमा आकस्मिक अवतरण गरिएको हो ।
स्थानीय सञ्चारकर्मी विकास रौनियारका अनुसार दुई हेलिकोप्टर साँझ साढे ६ बजे आकस्मिक अवतरण गरिएको हो । रौनियारका अनुसार कोरोना प्रभावित दुवै जनालाई एम्बुलेन्स मार्फत काठमाडौं ल्याउने तयारी भइरहेको छ ।
मौसममा आएको खराबीका कारण आज दुवै हेलिकोप्टर गजुरीमै राखिने भएको छ । उक्त हेलिकोप्टरको स्थानीय प्रहरीले सुरक्षा दिने बताइएको छ ।
वि.सं.२०७८ वैशाख ५ आइतवार १९:०२ मा प्रकाशित