काठमाडौं । एनआईसी एशिया बैंकका ग्राहकलाई सस्तोडिल, ग्यापू, रिचार्जर, इन्फी स्टोर र खानपिनबाट अनलाइन किनमेल गर्दा १५ प्रतिशत नगद फिर्ताको योजना ल्याएको छ ।
नयाँ भेरियन्टको कोभिड–१९ को महामारी रोकथाम तथा नियन्त्रण गर्नका लागि नेपाल सरकार, गृह मन्त्रालय, जिल्ला प्रशासन कार्यालयहरूले देशका विभिन्न स्थानमा निषेधाज्ञा जारी गरिरहेका बेला बैंकले यस्तो योजना ल्याएको हो ।
विभिन्न अनलाईन माध्यमहरूले दैनिक रुपमा अत्यावश्यक सामग्रीहरू उपभोक्ताहरूको घरमै डेलिभरी गरिरहेको अवस्थामा बैंकले आफ्ना ग्राहक महानुभावहरूलाई घरमै बसेर विभिन्न अनलाईनमार्फत वैशाख ३१ सम्म अत्यावश्यक सामग्री खरिद गर्दा १५ प्रतिशत वा अधिकतम ५ सय रुपैयाँसम्म नगद फिर्ता योजना सार्वजनिक गरेको हो ।
बैंकले सस्तोडिल, ग्यापू, रिचार्जर, इन्फी स्टोर र खानपिनबाट दैनिक अत्यावश्यक सामग्रीहरू खरिद गर्दा नगद फिर्ता प्राप्त गर्न सकिने व्यवस्था गरेको छ ।
नेपालमा कोरोना भाइरसले सिर्जित असहज परिस्थितिका बेला ग्राहकरूलाई किनमेल गर्न अझ सहज पार्ने उद्देश्य अनुरुप बैंकले डिजिटल कारोबारमा आफ्ना ग्राहक महानुभावहरूलाई प्रोत्साहन गर्नका निमित्त ई–कमर्श कम्पनीहरूबाट सामग्री खरिद गर्दा आकर्षक नगद फिर्ताको व्यवस्था गरेको जनाएको छ ।
यसका लागि ग्राहकले बैंकको कार्डमार्फत ई–कमर्श तथा पिओएस भुक्तानी एवं मोबाइल बैंकिङ्ग प्रयोगकर्ताहरूले क्यूआर भुक्तानी गरी उक्त योजनामा सहभागी हुन सकिने बैंकले जनाएको छ ।
साथै, आफ्नो कार्डमा ई–कमर्श भुक्तानी सुविधा नलिनुभएका डेबिट तथा क्रेडिट कार्ड प्रयोगकर्ताहरूले बैंकको वेबसाइट तथा मोबाइल बैंकिङ्ग एपमा रहेको आइसर्भ मार्फत सहज रुपमा आफ्नो कार्डमा ई–कमर्श सुचारु गरी यस योजनाको अधिकतम फाइदा उठाउन सक्नुहुनेछ ।
वि.सं.२०७८ वैशाख १९ आइतवार १८:०४ मा प्रकाशित