काठमाडौं । नेपालको पहिलो बीमा कम्पनी नेपाल इन्स्योरेन्सले चालु आर्थिक वर्षको तेस्रो त्रैमासिक वित्तीय अवस्था सार्वजनिक गरेको छ ।
तेस्रो त्रैमासमा कम्पनीले १७ करोड १ लाख २२ हजार रुपैयाँ नाफा कमाएको छ । गत वर्षको सोही अवधिको तुलनामा कम्पनीको नाफा २६.८७ प्रतिशतले बढी हो । गत वर्षको तेस्रो त्रैमासमा कम्पनीले १३ करोड ४० लाख ८४ हजार रुपैयाँ नाफा कमाएको थियो ।
चालु आवको तेस्रो त्रैमाससम्म कम्पनीले ९६ करोड ८४ लाख ३२ हजार रुपैयाँ कुल बीमाशुल्क आर्जन गरेको छ । गत वर्षको सोही अवधिका तुलनामा कम्पनीको बीमाशुल्क आर्जन रकम १२.७४ प्रतिशतले बढी हो । गत वर्षको तेस्रो त्रैमासमा ८५ करोड ८९ लाख ८० हजा रुपैयाँ आर्जन गरेको थियो ।
कम्पनीको जारी बीमालेखको संख्या १ लाख ११ हजार ७६६ र नविकरण गरिएको बीमालेखको संख्या ८ हजार ५३३ रहेको छ ।
कम्पनीले तेस्रो त्रैमासमा ४८ करोड ४८ लाख ७७ हजार रुपैयाँ कुल दावी भुक्तानी गरेको छ । भुक्तानी हुन बाँकी दावी रकम भने ८२ करोड ९७ लाख ८ हजा रुपैयाँ रहेको छ ।
कम्पनीको चुक्तापूँजी १ अर्ब १५ करोड ३ लाख १३ हजार रुपैयाँ पुगेको छ । जगेडा तथा कोष ४० करोड १७ लाख ३५ हजार रुपैयाँ रहेको छ । कम्पनीले बीमा कोषमा ५० करोड ७१ लाख ६० हजार रुपैयाँ राखेको छ ।
कम्पनीको प्रतिसेयर आम्दानी १९ रुपैयाँ ७२ पैसा, प्रतिसेयर नेटवर्थ १७९ रुपैयाँ ०१ पैसा रहेको छ ।
वि.सं.२०७८ वैशाख २८ मंगलवार ११:४१ मा प्रकाशित