काठमाडौं । मंगलबार नेपाली बजारमा सुनको मूल्यमा गिरावट आएको छ । आज छापावाला सुनको मूल्य तोला २ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुनको मूल्य ९३ हजार ५ सय रुपैयाँ कायम गरिएको छ । अघिल्लो दिन ९३ हजार ७ सय रुपैयाँमा खरिदबिक्री भएको थियो ।
मंगलवार तेजावी सुनको मूल्य भने सामान्य वृद्धि भएको छ । आज तोलामा १ सय रुपैयाँले वृद्धि भई ९३ हजार ३ सय रुपैयाँ निर्धारण गरिएको महासंघले जनाएको छ ।
यस्तै, आज चाँदीको मूल्य भने स्थिर रहेको छ । अघिल्लो दिन तोलाको १३ सय ५० रुपैयाँमा कारोबार भएको चाँदी आज पनि सोही मूल्यमा खरिदबिक्री हुने महासंघले जनाएको छ ।
वि.सं.२०७८ जेठ ११ मंगलवार १०:२६ मा प्रकाशित