काठमाडौं । सरकारले आगामी आवको लागि १६ खर्ब ४७ अर्ब ५७ करोड रुपैयाँ विनियोजन गरेको छ ।
अर्थमन्त्री बिष्णु पौडेलले आगामी आर्थिक वर्ष २०७८÷७९ को बजेट भाषणका क्रममा आगामी आवको लागि उक्त रकम विनियोजन गरेको जानकारी गराउनु भएको छ । जसमा चालु खर्च तर्फ ६ खर्ब ७८ अर्ब रुपैयाँ रहेको छ भने पुँजीगत तर्फ ३ खर्ब ४७ अर्ब रुपैयाँ बिनियोजन गरेको छ ।
आगामी आवमा सरकारले १० खर्ब २४ अर्ब रुपैयाँ राजस्व उठाउने लक्ष्य राखेको छ भने ६३ अर्ब ३७ करोड रुपैयाँ अनुदानबाट लिने लक्ष्य राखेको छ । यस्तै ३ खर्ब ९ अर्ब रुपैयाँ विदेशी ऋण लिने र साढे २ खर्ब आन्तरिक ऋण पठाउने लक्ष्य राखेको छ ।
वि.सं.२०७८ जेठ १५ शनिवार १८:२३ मा प्रकाशित
