काठमाडौं । धादिङको बेनीघाट रोराङ गाउँपालिकामा सिमेन्ट उद्योग स्थापना गरिरहेको चिनियाँ कम्पनी हुवासिनले बागमती प्रदेश सरकारलाई विभिन्न स्वास्थ्य सामाग्री प्रदान गरेको छ ।
हुवासिनले प्रदेश सरकारको सामाजिक विकास मन्त्रालयलाई आठ थान अक्सिजन कन्सेप्टर र ५०० थान एन्टिजेन किट उपलब्ध गराएको हो ।
धादिङ जिल्ला अस्पताल तथा सिद्धलेक, गजुरी र बेनीघाट रोराङ गाँउपालिकालाई पनि तीन दर्जन अक्सिजन सिलिण्डर उपलब्ध गराइएको उद्योगले जनाएको छ ।
उद्योगले कोभिड महामारीको प्रकोप चाँडै नियन्त्रणमा आउने विश्वास व्यक्त गर्दै उपचारत कोरोना संक्रमितको स्वास्थ्य लाभ तथा दिवंगतप्रति श्रद्धाञ्जली व्यक्त गरेको छ । उद्योगले थप स्वास्थ्य सामग्री नेपाल सरकारलाई उपलब्ध गराउन प्रयासरत रहेको जनाएको छ ।
उद्योगले यसअघि ५० लाख रुपैयाँ बराबरको स्वास्थ्य सामग्री उपलब्ध गराएको थियो ।
वि.सं.२०७८ जेठ २१ शुक्रवार ११:०८ मा प्रकाशित
