काठमाडौं । नियमक निकाय नेपाल धितोपत्र बोर्डले लगानीकर्ताहरुलाई सचेत गराएको छ । बोर्डले सेयर बजार बढेको अवस्थामा लगानीकर्ताहरुको जोखिमको स्तर पनि बढ्दै जाने हुँदा चनाखो हुन आवश्यक रहेको बताएको छ ।
मंगलबार एक विज्ञप्ति जारी गर्दे बोर्डले सेयर बजारमा लगानी बढाउँदा देशको आर्थिक परिदृश्यदेखि, सूचीकृत, संगठीत संस्थाहरूको वित्तीय कार्यसम्पादनको आधारभूत विश्लेषण गरेर मात्र लगानी गर्न आग्रह गरेको छ ।
लगानीकर्ताले सेयरमा लगानी गर्दा उक्त कम्पनीको प्रतिसेयर आम्दानी, प्रतिसेयर नेटवर्थ, मूल्य आम्दानी अनुपात, किताबी मूल्यमा बजार मूल्यको अनुपात, परिसूचक र कम्पनीको बजार मूल्य सम्बन्धी प्राविधिक विश्लेषण, संस्थागत सुशासनको अवस्था समेतलाई मूल्यांकन गरी लगानी गर्न धितोपत्र बोर्डले आग्रह गरेको छ ।
बोर्डले पछिल्लो समय धितोपत्रको दोस्रो बजारमा कारोबार वृद्धिसंगै सेयर कर्नरिङ्ग, सर्कुलर ट्रेडिङ्ग सम्वन्धमा अध्ययन शुरु गरेको छ ।उक्त अध्ययन सकिनका लागि केही समय लाग्ने सक्ने भन्दै बोर्डले धितोपत्र सम्वन्धी ऐन, २०६३ ले बर्जित गरेका क्रियाकलापमा संलग्न नहुन सबैलाई सहज गराएको हो ।
विज्ञप्ति :
वि.सं.२०७८ जेठ २५ मंगलवार १८:५६ मा प्रकाशित