back
NMB ad

पर्यटन प्रवर्द्धन तथा संस्कृति संरक्षणका लागि बागमती प्रदेशको १ अर्ब ४७ करोड

Kumari bank ad

काठमाडौं । बागमती प्रदेश सरकारले पर्यटन प्रवर्द्धन तथा पूर्वाधार विकासका लागि १ अर्ब ४७ करोड रुपैयाँ विनियोजन गरेको छ ।

आगामी आर्थिक वर्ष २०७८/७९ का लागि प्रदेश सरकारले पर्यटन प्रवर्द्धन तथा संस्कृति संरक्षण सम्वन्धी कार्यक्रमहरु कार्यान्वयनका लागि उक्त बजेट विनियोजन गरेको हो ।

प्रदेश सरकारले आन्तरिक तथा बाह्य पर्यटनलाई प्रवर्द्धन गर्न विभिन्न जातजाति, धर्म, संस्कृति, भाषिक तथा सामाजिक विविधतालाई संरक्षण र सम्वद्र्धन गर्दै प्रदेश भित्र रहेका ऐतिहासिक, धार्मिक तथा पुरातात्विक महत्वका संरचना र स्थानको विकास, विस्तार तथा संरक्षण गरिने जनाएको छ ।

यस्तै, पर्यटन क्षेत्रमा पूर्वाधार, दिगो विकासको आधार भन्ने सोचसहित प्रदेश सरकारले स्थानीय तहसंगको सहकार्यमा निर्माणाधीन तथा स्थापित गन्तव्यहरुको पूर्वाधार विकासलाई सुरक्षित, भरपर्दो र गुणस्तरीय बनाउन लगानी, स्वामित्व तथा व्यवस्थापन लगायतका पक्षमा सुधार गरी आम्दानी बाँडफाँडको संयन्त्र विकास गर्न आवश्यक प्रवन्ध मिलाइएको आर्थिक मामिला तथा योजना मन्त्री कैलाश प्रसाद ढुङ्गेलले जानकारी दिनुभयो ।

प्रदेश सरकारले राफ्टिङ्ग, साहसिक तथा पवर्तीय पर्यटन प्रवर्द्धनलाई उच्च प्राथमिकताका साथ बजेट व्यवस्था गरेको मन्त्री ढुङ्गेलले जानकारी गराउनुभयो ।

उहाँका अनुसार तामाकोशी, भोटेकोसी र त्रिशुलीमा राफ्टिङ्ग, चितवनको वरणडाभारमा प्रकृतिमा आधारित पर्यटन, लाङटाङ, जुगल तथा गौरीशंकमा साहसिक तथा पर्वतीय पर्यटन प्रवद्र्धन गर्न आवश्यक बजेटको व्यस्था मिलाइएको छ ।

प्रदेश सरकारले कोभिड १९ महामारीले उद्योग, वाणिज्य तथा पर्यटन क्षेत्रमा पारेको असरलाई सम्बोधन गर्न युवाहरुमा उद्यमशिलता र स्वरोजगार विकास गर्न प्रविधि हस्तान्तरण, सहुलियतपूर्ण कर्जा, सीपमूलक तालिम लगायतका कार्यक्रम ल्याएको छ ।

चालिस वर्ष मुनि उमेर समूहका युवालाई लक्षित गरि सरल सहुलियतपूर्ण कर्जा, सीपमूलक तालिम लगायतका उद्यमी क्षमता अभिवृद्धि कार्यक्रमका लागि बजेटको व्यवस्था गरेको मन्त्री ढुङ्गेलले जानकारी गराउनुभयो ।

प्रदेश सरकारले कोरोना महामारीबाट प्रदेशको अर्थतन्त्र र समग्र विकासमा परेको असरलाई न्युनीकरण गर्न लक्षित वर्ग र क्षेत्रको विशेषमा पुनरुत्थान र पुनर्भरण कार्यक्रम संचालन गर्ने भएको छ ।

साथै बैंक तथा वित्तीय संस्थाहरुको सहयकार्यमा प्रदेश सरकारबाट संचालित उत्पादन तथा रोजगारी सृजनाका लागि सहुलियतपूर्ण ऋण प्रवाह गर्ने कार्यक्रममा निरन्तरता दिन २ अर्ब रुपैयाँ बजेट विनियोजन गरेको छ ।

वि.सं.२०७८ असार २ बुधवार १४:४१ मा प्रकाशित

You can share this post!

टी ट्वेन्टी शृङ्खलाः नेपाल र वेष्ट इण्डिज ‘ए’ बीचको अन्तिम खेल आज   

टी ट्वेन्टी शृङ्खलाः नेपाल र वेष्ट इण्डिज ‘ए’ बीचको अन्तिम खेल आज   

वि.सं.२०८१ वैशाख २२ शनिवार ०९:४०

काठमाडौँ, २२ वैशाख : नेपाल र वेस्ट इण्डिज ‘ए’ बीचको...

‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा   

‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा   

वि.सं.२०८१ वैशाख २२ शनिवार ०६:५१

म्याग्दी :  म्याग्दीको अन्नपूर्ण गाउँपालिका–४ मा रहेको अन्नपूर्ण प्रथम हिमालको...

डढेलो निभाउन सघाउने सिम्रिक एयरको प्रतिबद्धता   

डढेलो निभाउन सघाउने सिम्रिक एयरको प्रतिबद्धता   

वि.सं.२०८१ वैशाख २२ शनिवार ०६:४६

काठमाडौँ, २२ वैशाख : निजी क्षेत्रको हेलिकप्टर कम्पनी सिम्रिक एयरले...

आजको मौसम : यी स्थानमा हुरीबतासको चेतावनी   

आजको मौसम : यी स्थानमा हुरीबतासको चेतावनी   

वि.सं.२०८१ वैशाख २२ शनिवार ०६:४२

काठमाडौँ, २२ वैशाख: हाल देशमा पश्चिमी वायु र स्थानीय वायुको...

आज २२ बैशाख २०८१ शनिवार, कस्तो छ आजको राशिफल ?

आज २२ बैशाख २०८१ शनिवार, कस्तो छ आजको राशिफल ?

वि.सं.२०८१ वैशाख २२ शनिवार ०६:३८

मेष मेष (चु, चे, चो, ला, लि, लु, ले, लो,...

नेतृत्वले काम गर्न खोज्दा कर्मचारीबाट उचित सहयोग प्राप्त भएन : मन्त्री चौधरी

नेतृत्वले काम गर्न खोज्दा कर्मचारीबाट उचित सहयोग प्राप्त भएन : मन्त्री चौधरी

वि.सं.२०८१ वैशाख २१ शुक्रवार २०:००

काठमाडौँ । महिला, बालबालिका तथा ज्येष्ठ नागरिक मन्त्री भगबती चौधरीले...