काठमाडौं । टाटा ब्राण्ड र कार्गो गाडि खरिदका लागि कर्जा सम्वन्धी ज्योति विकास बैंक र सिप्रदिट्रेडिङ प्रालीबीच सम्झौता भएको छ ।
अब सिप्रदिट्रेडिङको सिफारिस प्राप्त ग्राहकहरुले टाटा ब्राण्डका पिकअप र कार्गो गाडि खरिदको लागि ज्योति विकास बैंक मार्फत ७० प्रतिशतसम्म कर्जा प्राप्त गर्नेछन् ।
उक्त सम्झौता पत्रमा बैंकको तर्फबाटम नायब प्रमुख कार्यकारी अधिकृत पारसराज कडेल तथा सिप्रदिट्रेडिङको तर्फबाट कम्पनीका महाप्रबन्धक अनुपमणि ढकालले हस्ताक्षर गर्नुभएको छ ।
बैंकबाट टाटा ब्राण्डका पिकअप र कार्गो गाडि खरिदका लागि ग्राहकले ७० प्रतिशतसम्म सजिलदै कर्जा पाउने छन । बैंकका देशभर फैलिएका १०५ वटा शाखाबाट उक्त सवारी कर्जा सेवाबाट लाभान्वित हुन सक्ने बताइएको छ ।
गुणस्तरिय प्रदर्शन र उत्कृष्ट सेवा मार्फत नेपाली अटो मोबाइल्स क्षेत्रमा मन जित्न सफल टाटा ब्राण्डका गाडि खरिद गर्न ज्योति विकास बैंकको कर्जा सेवाले ग्राहकहरुलाई थप सहज हुने कम्पनीले जनाएको छ ।
वि.सं.२०७८ असार १३ आइतवार १७:३० मा प्रकाशित
