काठमाडौं । नेपाल धितोपत्र बोर्डले लक्ष्मी बैंकलाई ऋणपत्र निष्काशनका लागि अनुमति दिएको छ । बैंकले २ अर्ब रुपैयाँ बराबरको २० लाख कित्ता ऋणपत्र निष्कासन गर्न बोर्डबाट असार १५ गते स्वीकृति पाएको हो ।
बैंकले २० लाख कित्ता ऋणपत्रमध्ये ८ लाख कित्ता ऋणपत्र सर्वसाधारणको लागि निष्कासन गर्नेछ भने १२ लाख कित्ता ऋणपत्र व्यक्तिगत तबरबाट बिक्री गर्ने बताइएको छ ।
बैंकले वार्षिक ८.५ प्रतिशत ब्याजदरमा १० वर्ष २०८७ सम्मका लागि ऋणपत्र निष्कासन गर्नेछ । बिक्री प्रबन्धक सिभिल क्यापिटल मार्केट रहेको छ ।
वि.सं.२०७८ असार १७ बिहीवार १०:२० मा प्रकाशित