काठमाडौं । महोत्तरी जिल्लाको मोतिहानी नगरपालिका मेयर हरी प्रसाद मण्डलले आफ्नो क्षेत्रमा अहिले पनि भारतीय कम्पनीले कम्पनीले बीमा गराउने गरेको बताउनु भएको छ ।
अहिलेपनि केही मानिसले भारतीय जीवन बीमा कम्पनीमा बीमा गराउने गरेको स्मरण गराउँदै त्यसमा पनि धेरै समस्या भएको दाबी गरे ।
‘स्थानीयले आफ्नो आम्दानीको स्रोतको वास्ता नै नगरी बीमा गर्ने गरेका छन्’ उहाँले भन्नुभयो ‘एक, दुई किस्ता तिरेपछि शुल्क तिर्न नसकेर सरेण्डर गर्ने क्रम बढेको छ ।’
बीमा समितिले आयोजना गरेको सचेतना कार्यक्रममा यस्तो बताउनु भएको हो । उहाँले उक्त क्षेत्रमा बीमाको चेतना कम भएको बताउनु भयो । त्यसको लागि स्थानीय भाषामा सचेतना कार्यक्रम, प्रचार प्रसार आवश्यक रहेको उहाँको भनाई छ । अहिलेसम्म ५ देखि १० प्रतिशतसम्म मात्रै कृषि, पशुबीमा भएको जानकारी गराएको छ ।
कार्यक्रममा उद्योग वाणिज्य संघ महोत्तरीका अध्यक्ष मोहन गुप्ताले नेपाली बीमा कम्पनीमा बीमा गर्दा दाबी भुक्तानी नदिएको गुनासो गर्नुभयो । अझै पनि उक्त क्षेत्रमा केही व्यापारीहरुले मात्रै बीमा गरेपनि दाबी भुक्तानी नपाउने समस्या रहेको बताउनुभयो ।
कार्यक्रममा बीमा समितिका निर्देशक दिनेश कुमार लालले त्यहाँ देखिएको समस्या समाधानको लागि आफूले पहल गर्ने बताउनुभयो । केही विषयमा नीति आवश्यक परेको खण्डमा नीति पनि बनाउने प्रतिबद्धता जनाउनु भएको छ ।
कार्यक्रममा जनप्रतिनिधि, पत्रकार, महिला समूह, उद्योग वाणिज्य संघ, बीमकका शाखा प्रमुख प्रतिनिधिहरु, शिक्षक वित्तीय संस्थाको प्रतिनिधिहरु, कृषक प्राविधिक, अगुवा कृषहरु तथा सरोकारवाला निकायलाई राखेर सचेतना कार्यक्रम भएको बीमा समितिका सहायक निर्देशक पूर्ण थापाले बताउनुभयो ।
वि.सं.२०७८ असार २२ मंगलवार १८:५८ मा प्रकाशित
