काठमाडौं । यूनियन लाइफ इन्स्योरेन्स कम्पनीको आईपीओ बाँडफाँडको तयारी गरिएको छ । बिक्री प्रबन्धक प्रभु क्यापिटलका अनुसार ‘प्रि अलोटमेण्ट’ कार्य भईरहेको छ ।
प्रि अलोटमेण्टको काम सकिएपछि नेपाल धितोपत्र बोर्डमा स्वीकृतिका लागि पठाउने क्यापिटलले जनाएको छ । बोर्डले स्वीकृत दिएपछि आजै बाँडफाँड हुने क्यापिटलको भनाई छ ।
“‘प्रि अलोटमेण्ट’ सकिएको तीन कार्यदिन भित्र बाँडफाँड गर्नुपर्ने हुन्छ, क्यापिटलले भन्यो– ‘बोर्डले स्वीकृति दिएपछि आजै बाँडफाँड हुने सम्भावना रहेको छ ।”
युनियन लाइफले असार २४ गतेदेखि २८ गतेसम्म आईपीओ जारी गरेको थियो । कम्पनीको आईपीओमा अहिलेसम्मकै बढी आवेदन परेको छ । कम्पनीले आईपीओमा पर्ने आवेदनमा नयाँ रेकर्ड कायम गरेको छ ।
कम्पनीको आईपीओमा २१ लाख ७२ हजार ८६८ जना ३ करोड ४३ लाख ६१ हजार ८२० कित्ताका लागि आवेदन दिएका छन् । यो संख्या अझै बढने सक्ने क्यापिटलले जानकारी गराएको छ ।
कम्पनीले असार २४ गतेदेखि प्रतिकित्ता १०० रुपैयाँका दरले ६४ लाख ५० हजार कित्ता आईपीओ निष्काशन गरेको थियो ।
जसमा ३ लाख २२ हजार ५०० कित्ता कम्पनीका कर्मचारी र ३ लाख २२ हजार ५०० कित्ता म्युचुअल फन्डको लागि छुट्याइएको थियो । बाँकी ५८ लाख ५ हजार कित्तामा सर्वसाधारणले आवेदन दिन सक्ने व्यबस्था गरेको थियो ।
वि.सं.२०७८ असार ३१ बिहीवार १३:२७ मा प्रकाशित