काठमाडौं । आरएमडीसी लघुवित्त वित्तीय संस्थाको संस्थापक समूहको सेयर आजदेखि लिलामीमा बिक्री खुला भएको छ ।
कम्पनीले एनआईसी एशिया बैंकको स्वामित्वमा रहेको ३ लाख १९ हजार ६५ हजार कित्ता संस्थापक सेयर लिलामीमा ल्याएको हो ।उक्त सेयरको न्युनतम मूल्य प्रतिकित्ता ४८१ रुपैयाँ तोकिएको छ ।
उक्त सेयर खरिद गर्न इच्छुक योग्य विद्यामान संस्थापकहरु वा जो कोही व्यक्ति, कम्पनी, संघ÷संस्था साउन १५ गतेसम्म आवेदन दिन सकिनेछ ।
सेयर खरिद गर्दा तोकिएको न्युनतम मूल्य भन्दा बढी अंकित गरि आवेदन दिनुपर्ने छ । न्युनतम १ सय कित्ता र अधिकतम सम्पूर्ण सेयर संख्याका लागि आवेदन दिन सकिने कम्पनीले जनाएको छ ।
बिक्री प्रबन्धकमा एनआईसी एशिया क्यापिटल रहेको छ ।
वि.सं.२०७८ साउन ३ आइतवार १२:३८ मा प्रकाशित
