काठमाडौं । मञ्जुश्री फाइनान्सले संस्थापक सेयर साउन १४ गतेदेखि लिलामीमा बिक्री खुला गर्ने भएको छ । एक सूचना निकाल्दै कम्पनीले १२ हजार ५८७ कित्ता संस्थापक सेयर लिलामीमा बिक्री खुला गर्ने जानकारी गराएको छ ।
उक्त संस्थापक सेयरको न्युनतम मूल्य ३ सय रुपैयाँ निर्धारण गरिएको कम्पनीले जनाएको छ । उक्त सेयर खरीद गर्न योग्य इच्छुक विद्यमान संस्थापक वा जो कोही व्यक्ति, कम्पनी तथा संस्थाले कम्पनीले भदौ ८ गतेसम्म बोलपत्र पेश गर्न सक्नेछन् ।
उक्त सेयर खरिद गर्दा तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्ने हुन्छ । उक्त सेयर खरीदका लागि बोलकबोल गर्दा न्यूनतम १ सय कित्तादेखि अधिकतम सम्पूर्ण कित्तासम्म माग गर्न सकिने कम्पनीले जनाएको छ ।
कम्पनीको सेयर बिक्री प्रबन्धकमा एनआईबिएल एस क्यापिटल लिमिटेड रहेको छ ।
वि.सं.२०७८ साउन १० आइतवार ११:०७ मा प्रकाशित