काठमाडौं । स्वरोजगार लघुवित्त वित्तीय संस्था गत आर्थिक वर्षको चौथो त्रैमासमा १५ करोड ४३ लाख २१ हजार नाफा कमाएको छ ।
कम्पनीले शुक्रवार सार्वजनिक गरेको वित्तीय विवरणले यस्तो देखाएको हो । अघिल्लो आर्थिक वर्षको सोही अवधिको तुलनामा कम्पनीको नाफा १६९.६३ प्रतिशतले वृद्धि भएको हो । अघिल्लो वर्षको सोही अवधिमा कम्पनीले ५ करोड ७२ लाख ३३ हजार रुपैयाँ नाफा गरेको थियो ।
कम्पनीको चुक्तापुँजी ४१ करोड १२ लाख ७९ हजार रुपैयाँ रहेको छ । कम्पनीको जगेडा कोषमा २० करोड ७३ लाख ५३ हजार रुपैयाँ रहेको छ ।
कम्पनीले गत वर्ष २ अर्ब ३७ करोड ४२ लाख ८० हजार रुपैयाँ कर्जा सापटी लिएको छ भने २ अर्ब ५७ करोड ४६ लाख ७९ हजार रुपैयाँ निक्षेप संकलन गरेको छ ।
उक्त अवधिमासम्म कम्पनीले ५ अर्ब ५६ करोड ७४ लाख ४५ हजार कर्जा प्रवाह गरेको छ । अघिल्लो वर्ष १ दशमलव ८३ प्रतिशत रहेको कम्पनीको निष्क्रिय कर्जा गत वर्ष २ दशमलव ६३ प्रतिशत कायम भएको छ ।
कम्पनीको प्रतिसेयर आम्दानी ३७ रुपैयाँ ५२ पैसा, प्रतिसेयर नेटवर्थ १५० रुपैयाँ ४२ पैसा रहेको छ ।
वि.सं.२०७८ साउन १५ शुक्रवार १२:२१ मा प्रकाशित