काठमाडौं । केन्द्रीय अनुसन्धान ब्यूरो(सीआईबी)ले बैकिङ कसूर मुद्दामा फरार रहेका व्यक्तिलाई पक्राउ गरेको छ । अर्घाखाँची घर भई काठमाडौंको चन्द्रागिरी–६ बस्ने ३५ वर्षीय कासीराम भुसाललाई प्रहरीले पक्राउ गरेको हो ।
उनले आफ्नो खाताको पर्याप्त मौज्दात रकम नभएको भन्ने जानी जानी झुक्यानमा पारि ग्लोबल आइएमई बैंकको चेक काटेर दिएका थिए ।
उच्च अदालत पाटनले भुसाललाई बैंकिङ्ग कसूरजन्य अपराध गरेको ठहर गरि बैंकिङ कसूर तथा सजाय ऐन २०६४ बमोजिम १५ दिन कैद र ५० लाख जरिवाना भएको फैसला गरेको थियो ।
काठमाडौंको चन्द्रागिरीबाट पक्राउ परेका भुसालाई फैसला कार्यान्वयनका लागि जिल्ला अदालत ललितपुरमा पेश गरिएको प्रहरीले जनाएको छ ।
वि.सं.२०७८ साउन २७ बुधवार १७:५७ मा प्रकाशित
