काठमाडौं । नेपालगञ्ज सनराइज यातायात व्यवसायी संघ बाँकेले जाजरकोेटका लागि सुविधा सम्पन्न सुमो गाडी सञ्चालनमा ल्याएको छ ।
पुरानो गाडीहरु सन्चालन हुदै आएको सो रुटमा बिहीबारबाट सुविधा सम्पन्न गाडीहरु सञ्चालनमा ल्याएको छ ।
एक कार्यक्रमका बीचमा समितिका अध्यक्ष, पदाधिकारी र सदस्यहरुले जाजरकोट र नेपालगञ्जबाट संयुक्त रुपमा सेवा उद्घाटन गरे । एसीजडित गाडी पहिलोपटक जाजरकोटमा सञ्चालन भएको हो ।
नेपालगन्जबाट दैनिक चारपटक सो गाडी सञ्चालन हुनेछ । जाजरकोटका सर्बसाधारणहरुको सुविधालाई ध्यान राख्दै गाडीहरु सञ्चालनमा ल्याएका समितिका उपाध्यक्ष प्रविण बिसीले जानकारी दिए ।
उनले भने–‘जायज भाडा लिएर हामी त्यसक्षेत्रका सर्बसाधारण लाई सुविधा सम्पन्न गाडीमा यात्रा गराउछौं ।’
नेपालगन्जदेखि सल्लीबजार हुँदै जाजरकोट पुग्ने यात्रुबाहक बसहरु अत्यन्त पुराना रहेका छन् । सर्बसाधारणहरु जोखिम मोलेर त्यस्ता बसहरुमा यात्रा गर्न बाध्य छन् ।
प्रकाशितः १०७३ वैशाख ११
वि.सं.२०७३ वैशाख ११ शनिवार १०:३४ मा प्रकाशित
