चितवन । अविरल वर्षाका कारण चितवनको पर्यटकीय स्थल सौराहाका अधिकांश होटल डुबानमा परेका छन् । सौराहमा पर्यटकलाई लक्षित गरेर सञ्चालमा आएका १ सय १० होटल डुबानमा परेका हुन् ।
डुबानका कारण चितवन घुम्न आएका पर्यटकहरु समेत प्रभावित भएका छन् । सौराह क्षेत्रमा करीब ६ सय पर्यटक रहेको अनुमान गरिएको छ ।
होटलको ग्राउण्ड फ्लोर डुबानमा परेका कारण पर्यटकहरुलाई दोस्रो तलामा राखिएको पर्यटन व्यवसायीहरुले जनाएका छन् । यस्तै एक तलाका होटलबाट पर्यटकलाई अन्यत्र सारेर सुरक्ष्ति पारिएको छ ।
सौराहा जोड्ने सडकहरु जलमग्न भएका कारण आवत–जावत गर्न पनि कठिनाई भएको छ ।
प्रकाशित मितिः २०७४ साउन २९
वि.सं.२०७४ साउन २९ आइतवार १६:०१ मा प्रकाशित
