Logo

प्रभु बैंकको संस्थापक सेयरमा कटअफ मूल्य एक सय रुपियाँ कायम

काठमाडौं । प्रभु बैंकले असार ११ गतेदेखि १८ गतेसम्म लिलामीमा ल्याएको १५ लाख ६० हजार २०३ कित्ता संस्थापक सेयरको बोलपत्र खुला भएको छ । संस्थापक समूहतर्फको सेयरको कटअफमूल्य १०० रुपैयाँ कायम भएको बिक्री प्रबन्धकले जनाएको छ ।

बिक्री प्रबन्धक प्रभु क्यापिटलका अनुसार संस्थापक सेयरमा आवेदन गर्ने सबै ४६ आवेदकले नै सेयर प्राप्त गरेका छन् । संस्थापक सेयरका लागि अधिकतम ११६ रुपैयाँको आवेदन परेको थियो । ती आवेदकले आठ हजार ५०० कित्ता सेयरको बोलपत्र पेश गरेका थिए ।

सञ्चय कोषले एक सय रुपैयाँमा लिलामीमा आएको सबै संस्थापक सेयरका लागि आवेदन गरेको थियो । तर कोषले आठ लाख ८० हजार कित्ता हाराहारीमा मात्र सेयर प्राप्त गर्ने अवस्था देखिएको क्यापिटलले जनाएको छ ।

बैंकको सेयर विक्री प्रबन्धक प्रभु क्यापिटलमा सोमबार बिहान १० बजेदेखि खुला गरिएको थियो । संस्थापक सेयरका लागि न्यूनतम एक हजार कित्ताका लागि बोलपत्र पेश गर्नुपर्ने व्यवस्था रहेको थियो ।

२०७५ असार २६ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com