काठमाण्डौं । पछिल्लो समय लगातार बढिरहेको सुनको मूल्य , साताको तेस्रो दिन आज मंगलबार स्थिर रहेको छ । नेपाली बजारमा सुनको मूल्य आइतबारदेखि प्रतितोला ७१ हजारमा स्थिर रहेको हो । शुक्रबार प्रतितोला ७१ हजार ५ सय पुगेको सुनको मूल्य आइतबार पाँच सय घटेको थियो । तेजावी सुनको मूल्य पनि आज ७० हजार ७ सयमा स्थिर रहेको छ ।
सुनको मुल्य स्थिर रहेतापनि चाँदीको मूल्य भने घटेको छ । आइतबार देखि प्रतितोला ८ सय ३० रुपैयाँमा स्थिर रहेको चाँदी आज भने ५ रुपैयाँले घटेर प्रतितोला ८ सय २५ पुगेको छ ।
अन्तर्राष्ट्रिय बजारमा भने केही दिन देखि सुनको मूल्य घटिरहेको छ । आइतबार अन्तर्राष्ट्रिय बजारमा प्रतिऔंस १५१२ अमेरिकी डलर पुगेको सुनको मूल्य हिजो १५ सयको आसपासमा थियो । भने आज सुनको मूल्य घटेर प्रतिऔंस १४९६ को नजिक पुगेको छ ।
२०७६ भदौ ३ गते प्रकाशित
वि.सं.२०७६ भदौ ३ मंगलवार १३:३१ मा प्रकाशित
