काठमाडौं। चालू आवको पहिलो महिनामा सरकारले ४ अर्ब २० करोड ३५ लाख रुपैयाँ मात्रै खर्च गरेको छ । यो चालू आर्थिक वर्षका लागि विनियोजन गरेको बजेटको ०.२७ प्रतिशत मात्रै हो ।
१५ जेठमा नै बजेट प्रस्तुत गरी आर्थिक वर्ष सुरु हुनुअगावै अख्तियारी, निकासा प्रक्रिया र कार्यक्रम स्वीकृतिजस्ता प्रक्रियागत झन्झट हटाए पनि खर्चमा खासै सुधार हुन सकेको छैन ।
सरकारले हरेक आर्थिक वर्षका लागि छुट्याएको विकास रकम खर्च हुन नसक्नुमा समयमा नै बजेट निकासा नहुनु र समयमा नै पुँजीगत खर्च हुन नसक्नु हो भन्दै आएको छ ।
विगतमा बजेट खर्च नहुनुमा समयमा बजेट प्रस्तुत र पारित नहुनुलाई कारक मानिन्थ्यो । त्यसमाथि बजेट अख्तियारी, निकासा प्रक्रिया र कार्यक्रम स्वीकृतिजस्ता प्रक्रियाले खर्च गर्न अप्ठ्यारो पार्थे ।
बजेट खर्चन अख्तियारी लिनुनपर्ने गरी १ साउनबाटै खर्च गर्ने प्रणाली विकास गरिएको भए तापनि विनियोजित बजेटको कुल ०.२७ प्रतिशत मात्र साउन महिनामा खर्च भएको छ ।
२०७६ भदौ ३ गते प्रकाशित
वि.सं.२०७६ भदौ ३ मंगलवार १३:०६ मा प्रकाशित