काठमाडौ । माथिल्लो अरुण आयोजनाले सर्वसाधारणको लागि साधारण सेयर (आइपीओ) निष्काशन गर्ने भएको छ । जनताको जलबिद्युत कार्यक्रम अन्तर्गत १०६० मेगावाटको यस आयोजनाले आईपीओ निष्काशन गर्ने भएको हो ।
नेपाल बिद्युत प्राधिकरणको भावी कार्ययोजना सार्वजनिक गर्दै कार्यकारी निर्देशक कुलमान घिसिंङले जानकारी दिनुभएको हो ।
उहाँले ९९ दशमलब ६ मेगावाटको तामाकोशी पाँचौंको पनि ४९ प्रतिशत सेयर सर्वसाधारणलाई निष्काशन गरिने जानकारी दिनुभयो ।
यी आयोजना स्वदेशी वित्तीय संस्था र अन्तराष्ट्रिय बहुपक्षीय विकास साझेदारको सहुलियत ऋणमा बन्ने समेत उहाँले बताउनुभयो
प्राधिकरणले ६३५ मेगावाटको दुधकोशी, ८२५ मेगावाटको उत्तर गङ्गा जलबिद्युत आयोजना, २१० मेगावाटको चैनपुर सेती र चिलिमे अन्तर्गतको ४२५ मेगावाटको जलबिद्युत आयोजना पनि अघि बढाउने निर्देशक घिसिङले जानकारी दिनुभयो ।
२०७६ भदौ २९ गते प्रकाशित
वि.सं.२०७६ भदौ २९ आइतवार १६:५५ मा प्रकाशित
