काठमाडौं । नेपाल क्लियरिङ हाउस लिमिटेडले विकास बैंकहरुलाई नेपाल राष्ट्र बैंकबाट संचालित आरटिजिएस प्रणालीसँग इन्टिग्रेसन गर्न सहयोग गर्ने भएको छ ।
यस सम्बन्धमा नेपाल क्लियरिङ हाउसले मुक्तिनाथ विकास बैंक, ज्योति विकस बैंक, गरिमा विकास बैंक, कामना सेवा विकास बैंक र लुम्बिनी विकास बैंकसँग फरक–फरक सम्झौता गरेको छ ।
उक्त सम्झौताअनुरुप बैंकहरुलाई आरटिजिएस प्रणालीमार्फत् कारोबारहरु गर्न तथा आफ्नो कोर बैंकिङ प्रणालीमा जोड्न चाहिने हाउसले आवश्यक ‘आरटिजिएस इन्टिग्रेसन मिडिल वायर, कनेक्ट आरटिजिएस’ उपलब्ध गराउने भएको हो ।
नेपाल क्लियरिङ हाउसले नेपाल राष्ट्र बैंकको आरटिजिएस प्रणालीको प्रभावकारिता बढाउन विशेष सहयोग पुर्याउने अपेक्षा गरिएको छ ।
कनेक्ट आरटिजिएस प्रणाली पहिलो चरणमा अधिकांश ’क’वर्गका वाणिज्य बैंकहरुमा सफलतापूर्वक कार्यान्वयनमा आईसकेको बताइएको छ ।
अब नेपाल राष्ट्र बैंकसंग आरटिजिएस प्रणालीको लागी ’डाइरेक्ट मेम्बर’को रुपमा सम्झौता गरी सकेका ’ख’ तथा ’ग’वर्गका वित्तिय संस्थाहरुको लागी पनि उपलब्ध गराइने भएको छ ।
आरटिजिएस प्रणालीमा ठूलो मूल्यका र तत्काल भुक्तानी गर्नुपर्ने कारोबारहरु सदस्य बैंक र वित्तिय संस्थाहरुबीच गरिन्छ ।
२०७६ माघ ०७ गते प्रकाशित
वि.सं.२०७६ माघ ७ मंगलवार १३:२९ मा प्रकाशित
