भक्तपुर । शिक्षामन्त्री गिरिराजमणि पोखरेलले संसद्ले केही दिन अगाडि पारित गरेको शिक्षा विधेयकले नेपालको शिक्षालाई गुणस्तरीय बनाउन सहयोग मिल्ने बताउनुभएको छ ।
भक्तपुरको सूर्यबिनायक नगरपालिका–११ काक्राबारीस्थित सरस्वती माविको स्वर्णजयन्ती कार्यक्रममा आज बोल्दै उहाँले शिक्षा विधेयकले शिक्षाको आम मुद्दालाई सम्बोधन गरी समग्र शिक्षाको परिवर्तनलाई टेवा पु¥याउने विश्वास व्यक्त गर्नु भयो ।
अब शिक्षालाई रोजगारीसँग जोड्नका लागि पारित शिक्षा विधेयकले महत्वपूर्ण भूमिका निर्वाह गर्ने चर्चा गर्दै उहाँले शिक्षालाई अब प्रविधि र रोजगारीमैत्री बनाएर लैजान सरकार कटिवद्ध रहेको उल्लेख गर्नुभयो ।
कार्यक्रममा भक्तपुरका निमित्त जिल्ला शिक्षा अधिकारी गोविन्दराज सेढाइँले सामुदायिक विद्यालयको शिक्षालाई गुणस्तरीय बनाउँदै लानसके सरकारको लक्ष्य पूरा हुने बताउँनु भयो ।
प्रकाशितः २०७३ जेठ २९
वि.सं.२०७३ जेठ २९ शनिवार १६:१२ मा प्रकाशित