काठमाडौं । मिर्मिरे लघुवित्तको खुद नाफा गत आर्थिक वर्ष २०७५/७६ को चौथौं त्रैमाससम्ममा १०६.६९ प्रतिशत वृद्धि भएको छ अघिल्लो आर्थिक वर्ष २ करोड ९७ लाख रुपैयाँ खुद नाफा कमाएको लघुवित्तले यस अवधिमा ६ करोड १४ लाख खुद नाफा आर्जन गरको हो ।
अघिल्लो आर्थिक वर्षको तुलनामा गत वर्ष लघुवित्तले ३ करोड १७ लाख रुपैयाँले खुद नाफा बढाएको हो । समीक्षा अवधिमा लघुवित्तको चुक्ता पूँजी ११ करोड ६५ लाखबाट १२ करोड ८७ लाख रुपैयाँ पुगेको छ भने ९ करोड ५८ लाख रुपैयाँ जगेडा कोषमा संचित छ । गत आर्थिक वर्षको अन्त्यसम्ममा लघुवित्तले ७७ करोड ५० लाख निक्षेप संकलन तथा एक अर्ब ६६ करोड ३३ लाख रुपैयाँ सापटी लिएर २ अर्ब ४४ करोड कर्जा लगानी गरेको छ ।
यस्तै लघुवित्तले यस अवधिमा ३६ करोड ४५ लाख व्याज आम्दानी गरेर २२ करोड ११ लाख रुपैयाँ व्याज वापत खर्च गरी १४ करोड ३४ लाख रुपैयाँ खुद ब्याज आम्दानी गरेको छ ।
लघुवित्तको खराब कर्जा अनुपातमा सुधार भएको छ । खराव कर्जा अनुपात ०.६९ प्रतिशतबाट ०.५४ प्रतिशतमा झरेको हो । लघुवित्तको प्रतिशेयर आम्दानी ४७ रुपैयाँ ७४ पैसा, प्रति शेयर नेटवर्थ १७४ रुपैयाँ ४५ पैसा र मुल्य आम्दानी अनुपात १८:८३ गुण बढी छ ।
राष्ट्रियस्तरको ठूलो लघुवित्त कम्पनी बन्ने उदेश्यका साथ नेप्सेमा सूचीकृत मिर्मिरे माइक्रोफाइनान्स, नागबेली लघुवित्त, र किसान माइक्रोफाइनान्सले एक आपसमा मर्जर सम्झौता गरिसकेका छन् । मर्जर पछि बन्ने लघुवित्तको चुक्ता पूँजी ३९ करोड पुग्ने जनाएको छ । स्रोतः मेरो लगानी
२०७६ साउन १५ गते प्रकाशित
वि.सं.२०७६ साउन १५ बुधवार १५:४९ मा प्रकाशित