सप्तरी । संघीय मामिला तथा सामान्य प्रशासन मन्त्री लालबाबु पण्डितले सरकारले खटाइएको ठाउँमा नजाने कर्मचारीको जागिर समाप्त हुने चेतावनी दिनुभयो ।
बिहिबार सप्तरीको कंचनरुप नगरपालिका स्थित सर्वोदय मा.वि.को प्राङगणमा आयोजित, कंचनरुप नगरपालिका बालमैत्री नगर घोषणा समारोहमा बोल्दै मन्त्री पंडितले त्यस्तो चेतावनी दिनुभएको हो ।
‘हिजो मात्रै मन्त्रालयमा यो बिषयमा निर्णय गरेका छौं’, मन्त्री पण्डितले भन्नुभयो, ‘जुन कर्मचारीलाई जहाँ खटाइएको छ । त्यहाँ अनिवार्य जानुपर्छ, तलव सेवा सुविधा पनि त्यहींबाट मात्र पाउँछन ।’ तोकिएको ठाउँमा नजाने कर्मचारीले तलव, भत्ता र सुविधा केही पनि नपाउने बताउनुभयो ।
उहाँले २१ दिनसम्म पनि तोकिएको ठाउँमा नपुग्ने कर्मचारीको जागिर समाप्तीको बाटो शुरु हुने बताउनुभयो ।
२०७६ भदौ १९ गते प्रकाशित
वि.सं.२०७६ भदौ १९ बिहीवार १६:३९ मा प्रकाशित