२०७६ असोज २६ गते प्रकाशित
काठमाडौं । चीनका राष्ट्रपति सी जिन्पिङको नेपाल भ्रमणका क्रममा शंकास्पद गतिविधिमा संलग्न रहेको भन्दै हालसम्म झण्डै ६० जनालाई पक्राउ गरिएको नेपाल प्रहरीले जनाएको छ ।
तर मानवअधिकारकर्मीहरूले भने त्यसलाई संविधान र मानवअधिकार विपरित भन्दै ’निर्दोष’ मानिसलाई प्रक्राउ गरिएकोमा आपत्ति प्रकट गरेका छन ।
प्रहरी प्रवक्ता प्रहरी नायव उपरिक्षक विश्वराज पोखरेलका अनुसार राष्ट्रपति सीको भ्रमणलाई दृष्टिगत गरी प्रहरीले विभिन्न शंकास्पद गतिविधिमा संलग्न भएको आशङ्कामा तिब्बती शरणार्थीलाई उपत्यकाका विभिन्न स्थानबाट पक्राउ गरिएको हो ।
हालसम्म ६० जनालाई प्रकाउ गरिसकिएको छ । ती मध्ये २२ जनालाई सोधपुछ गरी छाडिएको छ भने बाँकी अन्य माथि अनुसन्धान जारी रहेको प्रहरी जनाएको छ । -विविसी
वि.सं.२०७६ असोज २६ आइतवार १२:०४ मा प्रकाशित