काठमाडौं । नेपाल धितोपत्र बोर्ड (सेवोन) का नवनियुक्त अध्यक्ष भिष्मराज ढुङ्गानाले शुक्रवार पदभार ग्रहण गरेका छन। ढुङ्गाना पहिलो अर्थमन्त्रालयमा सपथ ग्रहणपश्चात बोर्डमा पदभार ग्रहण गर्न पुगेका हुन।
गत असोज मसान्तदेखि पूर्व अध्यक्ष डा. रेवत बहादुर कार्कीको पदावधि समाप्त पश्चात रित्त रहेको अध्यक्ष पद शुक्रवारदेखि औपचारिक रुपमा पूर्ति भएको हो । ढुङ्गाना आठ जना प्रतिस्पर्धीहरुलाई पछि पार्दै अध्यक्ष पदमा नियुक्त भएका हुन् ।
मन्त्रिपरिषदको पुस २१ गतेको बैठकले ढुङ्गानालाई अन्तिम छनोटमा परेका तीन जनामध्येबाट अध्यक्षमा नियुक्त गर्ने निर्णय गरेको हो ।
अध्यक्षका लागि अन्तिम तीन प्रतिस्पर्धीमा ढुङ्गाना सहित बोर्डका कार्यकारी निर्देशक निरज गिरी र नेपाली पैसा डटकमका अध्यक्ष डा. केशव प्रसाद श्रेष्ठ रहेका थिए ।
२०७६ पुस २५ गते प्रकाशित
वि.सं.२०७६ पुस २५ शुक्रवार १३:२९ मा प्रकाशित
