काठमाडौं । एनआइसी एसिया बैंकको खुद नाफा ५० प्रतिशतले बढेर २ अर्ब एक करोड रुपैयाँ पुगेको छ। गत वर्ष खुद नाफा १ अर्ब ५१ करोड रुपैयाँ थियो ।
दोस्रो त्रैमासिकमा ऋण १५ अर्बले वृद्धि गरी १६५ अर्ब र्पुयाएको छ । बैंकले निक्षेप भने ६ अर्बले मात्र वृद्धि गरेको छ । बैंकको कुल निक्षेप १८६ अर्ब रूपैयाँ पुगेको छ ।
बैंकले कुल कर्जा लगानीको ७२ प्रतिशत साना तथा मझौला उद्यम क्षेत्रमा लगानी गरेको छ। प्राथमिकता क्षेत्रमा राष्ट्र बैंकले तोकेको न्यूनतम २५ प्रतिशत कर्जा लगानी पूर्ण रूपले पालना गरेको बैंकले विज्ञप्तिमा उल्लेख गरेको छ ।
बैंकको उच्चतम १० ग्राहकहरुको कर्जा कुल ऋणको ५ प्रतिशतभन्दा कम छ । निक्षेपतर्फ पनि बैंक विविधिकरणको रणनीति अनुरूप अघि बढिरहेको विज्ञप्तिमा जनाइएको छ ।
बैंकको कल निक्षेप ९.४ प्रतिशत छ, जुन राष्ट्र बैंकले तोकेको सीमाभन्दा कम हो । निक्षेप तर्फको उत्कृष्ट १० ग्राहकको अंश ११ प्रतिशत मात्र छ ।
बैंकको प्रति सेयर आय २१ प्रतिशतले वृद्धि गरी ४१.६१ तथा स्वपुँजीमा प्रतिफल २४ प्रतिशतले वृद्धि गरी २५.१७ प्रतिशत र्पुयाएको छ ।
२०७६ माघ ०७ गते प्रकाशित
वि.सं.२०७६ माघ ७ मंगलवार ११:०८ मा प्रकाशित
