काठमाडौं । अध्ययनका शिलशिलामा १० वर्ष अघि जापान पुगेका धादिङका अनुज थापालाई नेपाल सरकार संस्कृति, पर्यटन तथा नागरिक उड्डयन मन्त्रालय अन्तर्गत नेपाल पर्यटन बोर्डले टोकियो जापानका लागि अवैतनिक पर्यटन दुत नियुक्त गरेको छ । थापाको कार्यकाल आगामी दुई वर्षसम्मको रहने छ ।
थापा हाल गैर आवासिय नेपालीहरुको संस्था एनआएन जापानका महासचिव छन् । जापान पर्यटन व्युरो (जेटिबी) मा ट्रावल एण्ड टुरिजममा ग्राजुएट गरेका थापाले हाल जापानमा रेस्टुरेन्ट ब्यबसाय तथा कलेजमा आबद्द छन् । अत्यन्तै मिलनसार र जुझारु थापा जापनमा रहेर नेपाली समुदायलाई आइपर्ने समस्या समाधानमा पनि अग्रणी भुमिका निर्वाह गर्दै आएका छन् ।
गैर आवासिय नेपालीहरुको नेतृत्व तहमा पुगेका उनी नेपालमा समेत व्यवसाय विस्तार गर्ने सोचाइमा रहेका छन् । उनले नेपालमा टोकियो ट्रान्समिसन एजेन्सि (टिटिए) नेपाल मार्फत करोडौको लगानी नेपाल भित्र्याएकछन् । एनआरएनको माध्यमबाट जापान सरकार र त्यहाँका जनतामाझ समेत लोकप्रिय बनेका थापाबाट नेपालको पर्यटन प्रबद्र्धनमा टेवा पुग्ने विश्वासका साथ नेपाल पर्यटन बोर्डले अवैतनिक पर्यटन दुत घोषणा गरेको हो ।
हाल एनआरएनको कामको शिलशिलामा अमेरिका रहेका थापाले नेपालको पर्यटन प्रबद्र्धनमा नेपाल सरकारले विश्वास गरेर दिएको जिम्मेवारीले उत्साही भएको प्रतिकृया दिँदै कुशलता पुर्वक जिम्मेवारी बहन गर्ने बताए ।
थापाले आफ्नो फेसबुक वालमा लेखेका छन्, पर्यटन ब्यबसायमा लागेको १६ बर्ष भएछ । बेलब्वाई, रिसेप्सनिस्ट, पोर्टर, ट्रेकिङ गाईड, टुर अपरेटरदेखि प्रमुख कार्यकारीसम्मको अनुभव संगालियो । जापानमा रहँदा (जेटिबी) जापान टुरिजम ब्युरोबाट दुईबर्षे अन्तराष्ट्रिय पर्यटन व्यापारको विशेष अध्ययन साथै अन्तराष्ट्रिय ब्यापार र पर्यटनमै स्नातक गरियो । जति सिकियो, जानियो पर्यटनमै भयो । उमेरको हिसाबले छोटो तर अनुभब र अध्ययनको हिसाबले लामो यो यात्रामा अर्को गहन जीम्मेवारी आएको छ ।
नेपाल सरकार, पर्यटन मन्त्रालय अन्तर्गत नेपाल पर्यटन बोर्डले मलाई टोकियो, जापानको लागि अवैतनिक पर्यटन दुतमा दुई बर्षको लागि नियूक्त गरेको खबरले असाध्य उत्साहित बनाएको छ । मेरो अध्यन, अनुभब र ज्ञानले नेपालको पर्यटन प्रबद्र्धनमा सकेको टेवा पुर्याउन मेरो हरदम कोशिस रहनेछ । मलाई हरदम साथ दिनुहुने मेरो पर्यटनको गुरू मेरा पुज्यनिय दाजु कुमार थापा (अन्जन), नेपाल पर्यटन बोर्ड लगायत साथ, समर्थन र आशिर्बाद दिनुहुने सबैमा हार्दिक कृतज्ञता ज्ञापन गर्दछु ।
थापाको नियुक्ति अघिल्लो सरकारकै पालामा एक महिना अघि नै भए पनि हालै मात्र सार्वजनिक गरिएको हो ।
१० भदौ २०७३
वि.सं.२०७३ भदौ १० शुक्रवार १३:२४ मा प्रकाशित
