काठमाण्डौं । प्रधानमन्त्री केपी शर्मा ओलीको नेतृत्वमा रहेको वर्तमान सरकारको प्रमुख साझेदार दल नेकपा माओवादी केन्द्रका तर्फबाट सरकारमा सहभागी मन्त्रीहरुले प्रम ओलीसमक्ष सामूहिक राजीनामा बुझाएका छन् ।
आज प्रधानमन्त्री ओलीसमक्ष उपप्रधानमन्त्री एवम् ऊर्जामन्त्री टोपबहादुर रायमाझीले आफ्नो पार्टीका तर्फबाट सरकारमा सहभागी भएका मन्त्रीको सामूहिक राजीनामा बुझाएको प्रम ओलीका प्रेस संयोजक चेतन अधिकारीले जानकारी दिएका छन् ।
प्रम ओलीको नेतृत्वमा २०७२ साल असोज २४ गते तत्कालीन एनेकपा माओवादी सरकरमा सहभागी भएको थियो ।
२९ असार २०७३, २।१५
वि.सं.२०७३ असार २९ बुधवार १४:२५ मा प्रकाशित
