back
mega bank Ad
Hero Ad

आन्तरिक विवादमा बैकल्पिक उर्जा प्रबद्धर्न केन्द्र

काठमाडौं । भारतीय नकाबन्दीका कारण सबै प्रकारका इन्धनको अभाव चुलिएको छ । ग्यास, मट्टीतेलको अभावका बेला लोडेडिङपनि बढेकाले उपभोक्तालाई हैरानी छ ।

यस्तो बेला देशले आश गरेको एक मात्र विकल्प बैकल्पिक उर्जा हो । सरकारले जनतालाई राहत दिन भन्दै श्वेतपत्रमार्फत पनि बैकल्पिक उर्जालाई प्रवर्द्धन गर्ने घोषणा गरेको छ ।

तर, देशमा बैकल्पिक उर्जालाई उकास्ने जिम्मा पाएको एकमात्र सरकारी निकाय बैकल्पिक उर्जा प्रवर्द्धन केन्द्र अहिले आन्तरिक मतभेद तथा व्यवसायीसँगको विवादमा फसेको छ ।

अधिकारीहरुबीचको आन्तरिक मतभेद तथा व्यवसायी र बैकल्पिक उर्जा प्रवर्द्धन केन्द्रबीच उत्पन्न विवादका कारण देशभरमा बैकल्पिक उर्जासम्बन्धि साधनको जडान झण्डै १० महिनादेखि प्रभावित भएको हो ।

यसैकारण वैकल्पिक उर्जा अन्तरगतका लघुजलविद्युत, वायो ग्याँस र सोलार सिस्टम जडानको काम लगभग बन्द भएको व्यवसायीहरुले बताएका छन् ।

अहिले अनुदानमार्फत बैकल्पिक उर्जा जडान लगभग ठप्प रहेको नेपाल सौर्य विद्युत उत्पादक संघका अध्यक्ष दीपकबहादुर शाहीले अनलाइनखबरलाई बताए ।

‘व्यवयासीहरु प्रयोगकर्तालाई दिइसकेको अनुदान बापतको रकम केन्द्रबाट भुक्तानी नपाएर पीडित छन् । धेरै कम्पनी लिलामी प्रक्रियामा गइसकेका छन्’ अध्यक्ष शाहीले भने-‘पाउनुपर्ने रकम पनि विभिन्न बाहना गरेर रोकेर राखिएको छ । त्यसैकारण ऋणको रकम खर्चिएर रिस्कमा व्यवसयायीले बैकल्पिक उर्जा जडान गरेका छैनन् ।’

बैकल्पिक उर्जा जडान गर्दा सरकारले दिने अनुदान कम्पनीले उपभोक्तालाई दिएका हुन्छन् । पछि त्यो अनुदान रकम र त्यसबापतको केही प्रतिशत कमिसन रकम कम्पनीले केन्द्र मार्फत लिने व्यवस्था छ ।

अहिले कुनै-कुनै कम्पनीले अनुदन बापतको भुक्तानी पाएपनि अधिकांश पीडित रहेको व्यवसायीको दावी छ ।

एक लाख सौर्य उर्जाको जडान प्रभावित

यसबाट झण्डै १ लाख सौर्य प्रणालीको जडान प्रभावत भएको संघको अनुमान छ । वाषिर्क १ लाख २५ हजार सौर्य प्रणाली थप हुने गरेकोमा १० महिनादेखि जडान रोकिँदा १ लाखको जडान प्रभावित भएको हो ।

केन्द्रले बैकल्पिक उर्जा जडान गरेबापत दिनुपर्ने झण्डै २ अर्व रुपैयाँ रकम निकासा नगरेकाले व्यवसायीले काम गर्न नसकेको अध्यक्ष शाहीले बताए ।

सरकारले सौर्य गाउँ र शहर तथा बिकट क्षेत्रलाई छुट्टा-छुट्टै कार्यबिधिमार्फत अनुदानको व्यवस्था गरेको छ । प्रणाली अनुसार पनि बेग्लाबेग्लै अनुदान दिने गरिएको छ ।

केन्द्रले विभिन्न बाहना बनाएर व्यवसायीले पाउनुपर्ने अनुदनमा खर्चिएको रकम रोकेको आरोप लगाएका छन् ।

अनुदान नपाउने भएपछि फाटफुट मात्रै बैकल्पिक उर्जा जडानको काम भएको छ । अहिले अनुदानको व्यवस्था नभएका क्षेत्रलाई मात्र सोलार बेचेर बसेको व्यवसायी बताउँछन् । विवादका कारण लघुजलविद्युत र बायोग्यासको जडानको काम पनि प्रभावित भएको छ ।

‘हामीले १६ हजार सोलार जडानका लागि प्रस्ताव गरेकोमा ७ हजार मात्र प्रक्रियामा लगिएको छ’ शाहीले शाहीले आरोप लगाउँदै भने-‘यस्तो समयमा पनि बैकल्पिक उर्जा प्रवर्द्धन केन्द्र भित्रिका केही अधिकारीहरु गैह्र-जिम्मेवार बनेर प्रस्तुत भएका छन् ।’

आन्तरिक मतभेद

कार्यकारी निर्देशक नियुक्त हुन नपाएको झोकमा केन्द्र भित्रका केही कर्मचारी आयोजनाहरुलाई फेल गराउन लागेको केन्द्रकै एक कर्मचारीले पनि बताए ।

‘नयाँ कार्यकारी निर्देशकलाई राम्रोसँग काम गर्न दिइएको छैन् । उनलाई जसरी पनि फेल गराउने खेलमा भित्रकै कर्मचारीहरु संलग्न छन्’ ति कर्मचारीले भने- ‘व्यवसायीलाई रोक्न बाहना विभिन्न खोजिएको छ । तर, निशाना भने कार्यकारी निर्देशकलाई असफल बनाउने नै हो ।’

विवादका कारण अनुदानमा बैकल्पिक उर्जा जडान रोकिँदा अनुदानमा बैकल्पिक उर्जा जडान गर्न चाहाने सर्वसाधरण नागरिक मारमा परेका छन् ।

केन्द्रका कार्यकारी निर्देशक धितालले भने नयाँ अनुदान नीति ल्याउन लागेकाले समस्या आएको बताए ।

बैकल्पिक उर्जा जडानको काम प्रभावित भएपनि ठप्प भने नभएको उनले बताए । उनले विवादबारे थप प्रतिक्रिया दिन मानेनन् ।

 स्रोत: अनलाईन खबर

वि.सं.२०७२ मंसिर १६ बुधवार २१:३७ मा प्रकाशित

You can share this post!

सप्तरीमा एक पुरुषको घाँटी रेटेर हत्या

सप्तरीमा एक पुरुषको घाँटी रेटेर हत्या

वि.सं.२०७९ मंसिर १३ मंगलवार १९:०४

सप्तरी । सप्तरीमा घाँटी रेटेर एक जना पुरुषको हत्या भएको...

काठमाडौंबाट सिमरा उडेको बुद्धको जहाज अवतरण नगरेरै फिर्ता

काठमाडौंबाट सिमरा उडेको बुद्धको जहाज अवतरण नगरेरै फिर्ता

वि.सं.२०७९ मंसिर १३ मंगलवार १८:३४

काठमाडौं । काठमाडौंबाट सिमरा उडेको बुद्ध एयरको जहाज सिमरा अवतरण...

मेलम्चीको बहाव घटबढ हुन सक्ने भन्दै सतर्क रहन समितिको आग्रह

मेलम्चीको बहाव घटबढ हुन सक्ने भन्दै सतर्क रहन समितिको आग्रह

वि.सं.२०७९ मंसिर १३ मंगलवार १६:५६

काठमाडौं ।  मेलम्ची नदीमा पानीकाे बहाव घटबढ हुन सक्ने भन्दै स्थानीयवासीलाई सतर्कता...

मेगा बैंकको लाभांश राष्ट्र बैंकद्वारा परिमार्जन गरी स्वीकृत

मेगा बैंकको लाभांश राष्ट्र बैंकद्वारा परिमार्जन गरी स्वीकृत

वि.सं.२०७९ मंसिर १३ मंगलवार १६:०४

काठमाडौं । राष्ट्र बैंकले मेगा बैंक लिमिटेडको लाभांश स्वीकृत गरेको...

उठिवासको त्रासमा थापाथली : रातभर जाग्राम, दिनभर धर्नामा

उठिवासको त्रासमा थापाथली : रातभर जाग्राम, दिनभर धर्नामा

वि.सं.२०७९ मंसिर १३ मंगलवार १३:५५

काठमाडौं ।  सोमबार दिउँसो काठमाडौं महानगरेको टोली डोजरसहित थापाथलीको सुकुम्बासी...

एभरेष्ट बैंकले टाटाका विद्युतीय गाडी खरिदमा कर्जा दिने

एभरेष्ट बैंकले टाटाका विद्युतीय गाडी खरिदमा कर्जा दिने

वि.सं.२०७९ मंसिर १३ मंगलवार १३:४८

काठमाडौ । नेपालका लागि टाटा गाडीको आधिकारिक विक्रेता सिप्रदी ट्रेडिङ...