काठमाडौँ । विमान बंगलादेश एयरलाइन्समा एक महिना अगाडि कर्मचारीबाट राखेको माग लामो प्रतिक्षा पछि सहमतिमा पुगेको छ । युनिट्राभको समन्वयमा एयरलाइन्समा कार्यरत मजदुर कर्मचारीले राखेका ६ सुत्रिय माग मध्ये तत्कालको लागि तलवमा ५० प्रतिशत वृद्धि गर्ने सहमति भएको हो ।
एयरलाइन्स ब्यबस्थापन र कर्मचारीबीच भएको बार्ता पछि विभिन्न मागहरुमा सहमति भएको हो । कर्मचारीले राखेका मागहरु क्रमशः पुरा गर्दै लैजाने सहमति भएको युनिट्राभका महासचिव सुमन पराजुलीले जानकारी दिए ।
कर्मचारी मजदुरले बेतन वृद्धि, स्थाइ गराउनु पर्ने, उपदानको ब्यवस्था, संचय कोषको ब्यवस्था, बिदा जगेडाको रकम उपल्बध गराउनु पर्ने पवार्षिक दुई जोर पोशाक ब्यवस्था, बोनस उपल्बध गराउनु पर्ने, बिमा र सामजिक सुरक्ष को ब्यवस्था सहित माग पत्र पेश गरेका थिए । सो माग उपर लामो छलफल पस्चायत तत्कालको लागि तलबमा सहमति भएको पराजुलीले बताए ।
पछिल्लो सहमति अनुसार खाइपाइ अाएको तलब भत्तामा ५० प्रतिसत विधि भएको छ । अन्य माग आजको मितिले ६ महिना भित्र पुरा गर्ने सहमति भएको बताइएको छ । एयरलाइन्समा युनिट्राभको सगंठन रहेको र सेवा सुबिधा भढाउन युनिट्राभबाट व्यापक दबाब दिदै अाएको थियो ।
प्रकाशित मिति : १५ माघ २०७२ / ११:५८:०८
वि.सं.२०७२ माघ १५ शुक्रवार १२:०३ मा प्रकाशित
