back
Mega Long Ad

अमेरिकामा ‘यौनसम्पर्क’बाट जिका

काठमाडौँ । यौनसम्पर्कको माध्यमबाट जिका भाइरस सरेको एउटा दुर्लभ घटना अमेरिकामा भएको छ । सेन्टर फर डिजिज कन्ट्रोल (सिडिसी)का अनुसार त्यसरी संक्रमित भएका एक विरामी टेक्सासको डल्लासमा फेला परेका छन् । बिबिसीलाई उधृतगर्दै कान्तिपुरले लेखेको छ,  ती व्यक्ति स्वयम् प्रभावित क्षेत्र पुगेका होइनन्, तर तिनका यौनपार्टनर चाहिं भेनेजुयलाबाट फर्केका हुन् ।

लामखुट्टेले सार्ने ठानिने जिकाका कारण यतिखेर संसारमा हजारौं नवजात शिशुहरु अर्धविकसित मस्तिष्कसहित जन्मेका छन् । यो अमेरिकी महाद्धिपीय क्षेत्र हुदै फैलिरहेको छ । विश्व स्वास्थ्य संगठनले जिका संक्रमणलाई विश्वव्यापी स्वास्थ्य संकटकालका रुपमा घोषणा गरिसकेको छ ।

अमेरिकी रेडक्रसले जिका प्रभावित मुलुकबाट फर्केका सम्भावित रक्त दातालाई फेरि रगत दान गर्नका लागि कम्तिमा २८ दिन कुर्न आग्रह गरेको छ । मेक्सिको, क्यारेवियन र मध्य वा दक्षिण अमेरिकाबाट फर्केकाहरुलाई यस्तो अभ्यास गर्न आग्रह गरिएको हो ।

यसैबीच जिका भाइरसका २ नया केस अष्ट्रेलियामा देखापरेका छन् । दुवै सिड्नी शहर निवासीहरु हालै मात्र क्यारेवियनबाट फर्केका हुन् । आयरल्याण्डमा जिका २ व्यक्तिमा देखिएको छ । उनीहरु दुवैको जिका प्रभावित मुलुक भ्रमण गरेको पृष्ठभूमि देखियो ।

संक्रमणबाट सबैभन्दा बढी आक्रान्त ब्राजिलले जिका संक्रमित मानिएका करीब ३ हजार ६ सय ७० जना नवजात शिशुहरुमाथि अनुसन्धान भइरहेको जानकारी दिएको छ । पछिल्लो सूचनाअनुसार कुल ४ सय ४ केसहरु जिका संक्रमणकै भएको पुष्टि भएको छ । जबकी ७ सय ९ जना बिरामी चाहिं यसको शंकाबाट मुक्त भएका छन् । स्वास्थ्य मन्त्रालयका अनुसार ब्राजिलमा अहिलेस्मम ७६ जना वच्चाको निधन भइसकेको छ । त्यो गर्भावस्था वा पछि दुवै अवस्थामा भएको हो ।

जिका सर्ने मुख्य माध्यम लामखुट्टे नै हो । तर यो यौनसम्पर्कको माध्यमबाट समेत सर्नसक्छ । त्यसैले यो अदेस लामखुट्टे नपाइने मुलुकका लागि समेत ठूलो खतरा हो ।

अहिलेसम्म अधिकारीहरुले यौनिक सक्रमणलाई एकदमै दुर्लभ भनेका छन् । हुन त गएको वर्षसम्म जिका भाइरस संक्रमणको घटनालाई नै पनि दुर्लभ भनिदै आएको हो । तर विष्फोटक रुपमा संक्रमण फैलिएपछि संसार अचम्भित भएको छ । यससम्बन्धी कयौं प्रश्न अनुत्तरित छन् : यौनजन्य संक्रमण कत्तिको सामान्य वा दुर्लभ हो ? के यो कुनै संकेत नदेखाएका ८० प्रतिशतबाट सर्नसक्छ । विर्यमा भाइरस कतिन्जेल टिक्न सक्छ ?एक पटक संक्रमण भएपछि फेरि कहिले यौनसम्पर्क गर्न सकिन्छ ? प्रभावित क्षेत्रमा फर्केको अवस्थामा पुरुषहरुले के गर्ने ? महिलाहरुले पनि यौनसम्र्पकको माध्यमबाट संक्रमण सार्न सक्छन् ?

तर यो चाहिं नया एचआईभी एडस उत्पन्न भएजस्तो अवस्था भने होइन । एचआइभी संक्रमणको उपचार छेन । दैनिक उपचारको अभावमा यसले मानव जीवनलाई नाटकीय रुपमा छोटयाउछ पनि । जिका संक्रमणका हकमा चाहिं यो छोटो र मन्द हुन्छ, तर यसले गर्भावस्थालाई चाहिं गंभिर खतरा पुर्‍याउँछ ।

अमेरिकाको टेक्सासमा मात्र जिका संक्रमणका ७ वटा केस देखापरेका छन् । ती सबै विदेश भ्रमणका क्रममा बटुलिएका हुन् ।

यो पनि पढ्नुहोस : के हो जिका भाइरस ? मानिसमा कसरी सर्छ ? http://arthatantra.com

२१ माघ २०७२

वि.सं.२०७२ माघ २१ बिहीवार ०८:१३ मा प्रकाशित

You can share this post!

तीन बर्षयताकै बढी राजस्व उठेको अर्थमन्त्रालयको दावी

तीन बर्षयताकै बढी राजस्व उठेको अर्थमन्त्रालयको दावी

वि.सं.२०७८ माघ ३ सोमवार २१:५०

काठमाडौं । अर्थमन्त्रालयले विगतका वर्षहरुमा भन्दा चालु आर्थिक बर्षमा राजस्व...

वाणिज्य बैंकहरुको निक्षेप पौन नौ करोडले बढ्यो, कर्जा लगानी ४ अर्ब बढी

वाणिज्य बैंकहरुको निक्षेप पौन नौ करोडले बढ्यो, कर्जा लगानी ४ अर्ब बढी

वि.सं.२०७८ माघ ३ सोमवार १९:४६

काठमाडौँ । पुस महिनामा वाणिज्य बैंकहरुको बैंकिङ्ग प्रणालीमा संकलन हुने...

तिब्र उतारचढाबकाबीच दोहोरो अंकले बढेर बन्द भयो बजार, कारोबार रकममा गिरवाट

तिब्र उतारचढाबकाबीच दोहोरो अंकले बढेर बन्द भयो बजार, कारोबार रकममा गिरवाट

वि.सं.२०७८ माघ ३ सोमवार १५:२४

काठमाडौँ । साताको दोस्रो कारोबार दिन आज नेप्से परिसूचक दोहोरो...

एभरेष्ट बैंकको ऋणपत्रमा आवेदन खुल्ला

एभरेष्ट बैंकको ऋणपत्रमा आवेदन खुल्ला

वि.सं.२०७८ माघ ३ सोमवार १२:३१

काठमाडौं । एभरेष्ट बैंक लिमिटेडको ऋणपत्र आजदेखि (सोमबारदेखि) निष्कासन खुल्ला...

नेपाल लाइफद्धारा २१ लाख ४६ हजार रुपैयाँ मृत्यु दाबी भुक्तानी

नेपाल लाइफद्धारा २१ लाख ४६ हजार रुपैयाँ मृत्यु दाबी भुक्तानी

वि.सं.२०७८ माघ ३ सोमवार १२:२८

काठमाडौं । नेपाल लाइफ इन्स्योरेन्स कम्पनी लिमिटेडको पोखरा शाखाले मृत्यु...

एभरेष्ट बैंकको २ अर्ब बराबरको ऋणपत्र आजदेखि बिक्रीमा, कहिलेसम्म दिने आवेदन ?

एभरेष्ट बैंकको २ अर्ब बराबरको ऋणपत्र आजदेखि बिक्रीमा, कहिलेसम्म दिने आवेदन ?

वि.सं.२०७८ माघ ३ सोमवार १२:२३

काठमाडौं । एभरेष्ट बैंकले आजदेखि (माघ ३ गते) बार्षिक ८.५...