काठमाण्डौं । भारत जानुअघि त्रिभुवन विमानस्थलमा आयोजित पत्रकार सम्मेलनमा अर्थ मन्त्री विष्णु पौंडेलले आफ्नो भारत भ्रमण आर्थिक कुटनीतिक सुधारमा केन्द्रित रहने बताएका छन् ।
अर्थमन्त्री पौडेलले भ्रमणका क्रममा भारतीय परराष्ट्र मन्त्री र वित्त मन्त्रीसँग भेटवार्ता गर्ने भएका छन् । उनले त्यहाँ प्रधानमन्त्री केपी शर्मा ओलीको भारत भ्रमणको विषयमा पनि कुराकानी गर्नेछन् ।
पौडेलका अनुसार भारतले दाता सम्मेलनमा सहयोग गर्न वाचा गरेको १ खर्ब रुपैयाँ सहयोग रकमको परिचालनको विषयमा छलफल हुने छ ।
भेटको क्रममा भारतीय सहयोगमा संचालनमा रहेका परियोजनाको कार्यान्वयनको अवस्था तथा सहमति भैसकेका परियोजनालाई कसरी कार्यान्वयमा लैजाने भन्ने विषयमा समेत छलफल हुने उनले जानकारी दिए ।
माघ २४, २०७२, १०.१०
वि.सं.२०७२ माघ २४ आइतवार ११:१२ मा प्रकाशित
