back
NMB ad

प्रमलाई भारतमा पूर्वाधार निर्माण विषय विशेष महत्व दिन व्यवसायीको आग्रह

Kumari bank ad

वीरगन्ज । प्रधानमन्त्री केपी शर्मा ओलीले आफ्नो भारत भ्रमणका बेला दुई देशबीचको व्यापार सहज बनाउनका लागि पूर्वाधार निर्माण विषयलाई विशेष महत्व दिनुपर्ने सुझाव यहाँका उद्योगी व्यवसायीहरुले दिएका छन्।

उनीहरुले औद्योगिक कच्चा पदार्थको आपूर्ति र अत्यावश्यकीय उपभोग्य मालसामानको ढुवानीका लागि रेलमार्ग उपयुक्त विकल्प रहेकाले नेपालमा पनि रेल्वे लाइन विस्तारका लागि भारतसँग छलफल गर्नुपर्ने धारणा राखेका हुन्।

छ महिनादेखिको लामो बन्द, हडताल र नाकाबन्दीका कारण सडकमार्ग हुँदै भारत र तेस्रो मुलुकबाट सीमा नाकासम्म आइपुगेका मालबाहक गाडी गन्तव्यसम्म जान नपाएपछि पछिल्लो समयमा व्यवसायीले रेलमार्गलाई बढी सदुपयोग गर्न थालेकाले पनि रेलमार्गको आवश्यकता बढेको उद्योगी व्यवसायीहरुको दाबी छ।

बन्दका बेला आयातित सामान बोकेर भारतको कोलकाता बन्दरगाहबाट आउने कन्टेनर मालबाहक रेलमार्फत आउन थालेपछि वीरगन्जस्थित सुक्खा बन्दरगाहमा अत्यधिक चाप बढेको थियो।

वीरगन्जस्थित सुक्खा बन्दरगाह भारतीय रेलमार्ग सञ्जालसँग जोडिएको नेपालको एकमात्र बन्दरगाह हो। नेपाल उद्योग वाणिज्य महासङ्घ, वाणिज्य तथा आपूर्ति समितिका संयोजकसमेत रहेका उद्योगपति विजय सराबगीले बन्द, हडताल र नाकाबन्दीका कारण सडकमार्गबाट ढुवानी अवरुद्ध हुन थालेपछि पछिल्लो समयमा आयातकर्ताले रेलमार्गमार्फत कन्टेनर मगाउन थालेका बताउँदै मुलुकको आर्थिक रुपान्तरणका लागि रेलमार्गको आवश्यकता रहेको बताए।

वीरगन्जस्थित सुक्खा बन्दरगाहसम्म रेल लाइन विस्तार भइसकेकाले सो रेल लाइनलाई करिब ३३ किमि टाढा बाराको अमलेखगन्जसम्म विस्तार गर्न सकेमा अहिले पारवहन क्षेत्रमा देखिएका अधिकांश समस्या समाधान हुने भएकाले रेल लाइन विस्तारलाई प्रधानमन्त्रीले भारत भ्रमणका बेला मुख्य ऐजेन्डा बनाउनुपर्ने उनले सुझाव दिए।

सीमावर्ती भारतीय सहर रक्सौलदेखि अमलेखगन्जसम्म निर्माण गर्ने भनिएको पेट्रोलियम पाइपलाइनको तुलनामा रेल लाइन बहुउपयोगीसिद्ध हुन्छ, वीरगन्ज उद्योग वाणिज्य सङ्घका पूर्व अध्यक्ष अशोककुमार टेमानीले भने “पाइप लाइन निर्माण भएपछि पेट्रोलियम पदार्थमात्र आउँछ तर रेलमार्गको निर्माण भएपछि सबै किसिमका मालसामानको ढुवानी सहज किसिमले गर्न सकिन्छ।” रासस

फागुन २, २०७२/८.००

वि.सं.२०७२ फागुन २ आइतवार ११:५३ मा प्रकाशित

You can share this post!

इजरायलमा अत्यावश्यक अवस्थामा बाहेक घरबाहिर ननिस्कन दूतावासको आग्रह   

इजरायलमा अत्यावश्यक अवस्थामा बाहेक घरबाहिर ननिस्कन दूतावासको आग्रह   

वि.सं.२०८१ वैशाख २ आइतवार १७:१२

काठमाडौँ, २ वैशाखः इजरायलमाथि इरानी हमलापछि इजरायलको तेलअभिवस्थित नेपाली राजदूतावासले...

निजी स्वास्थ्य संस्थामा उपचार गराउँदा २० प्रतिशत तिर्नुपर्ने   

निजी स्वास्थ्य संस्थामा उपचार गराउँदा २० प्रतिशत तिर्नुपर्ने   

वि.सं.२०८१ वैशाख २ आइतवार १७:०५

काठमाडौँ, २ वैशाखः स्वास्थ्य बीमा बोर्डको स्वास्थ्य बीमा कार्यक्रम अन्तर्गत...

सञ्चालनमा आयो मर्स्याङ्दी जलाशयमा मोटरबोट   

सञ्चालनमा आयो मर्स्याङ्दी जलाशयमा मोटरबोट   

वि.सं.२०८१ वैशाख २ आइतवार १७:००

दमौली (तनहुँ), २ वैशाख : पृथ्वी राजमार्गमा अवस्थित तनहुँको आँबुखैरेनी...

सुनको भाउमा भारी गिरावट, आज कति घट्यो ?

सुनको भाउमा भारी गिरावट, आज कति घट्यो ?

वि.सं.२०८१ वैशाख २ आइतवार १०:४७

काठमाडौं । साताको तथा नयाँ वर्ष २०८१ सालको पहिलो कारोबार...

पढ्ने उमेरका बालबालिकालाई विद्यालयमा भर्ना गर्न प्रधानमन्त्रीको आह्वान   

पढ्ने उमेरका बालबालिकालाई विद्यालयमा भर्ना गर्न प्रधानमन्त्रीको आह्वान   

वि.सं.२०८१ वैशाख २ आइतवार १०:४०

काठमाडौँ, २ वैशाख : प्रधानमन्त्री पुष्पकमल दाहाल ‘प्रचण्ड’ले विद्यालय जाने...

आज जुडशीतल पर्व, मधेस प्रदेशमा सार्वजनिक बिदा   

आज जुडशीतल पर्व, मधेस प्रदेशमा सार्वजनिक बिदा   

वि.सं.२०८१ वैशाख २ आइतवार ०९:०७

गोदार (धनुषा), २ वैशाख : तराई मधेस तथा मिथिलाञ्चल क्षेत्रमा...