वासिङ्टन । फेडेरल रजर्भकी अध्यक्ष जेनेट येलनले बताएअनुसार चीनिया मुद्राको कारोवारको घटबढका कारण विश्वव्यापी रुपमा हंगामा सहित उथल पुथल आउनेछ ।
अझै पनि अमेरीका र विश्वले यो कुराको हेक्का नराख्ने हो भने विश्वको अर्थिक वृद्धिदर नै चपेटामा पर्ने निश्चित छ। उनले भनिन् ‘अब आउने समयमा व्याजदरमा पनि कटौती गर्नुपर्ने अबस्था आउन सक्छ ।ʼ
अमेरिकी कंग्रेसको फाइनान्सियल कमिटिलाई बयान दिदै उलने भनिन्, ‘यो संकेत अझै धेरै समय रह्यो भने अमेरिकाको लेबर मार्केट र आर्थिक परिदृष्यमा असर पर्छ ।’
चीनको बद्लिँदो आर्थिक अवस्थाबाट अमेरिकालाई खतरा हुने बताउदै उनले अमेरिकाको आर्थिक वृद्धिमा नकारात्मक असर पर्ने बताइन् । इक्वीटिमा घट्दो प्रतिफल तथा बढ्दो क्रेडिट लिमिटका साथै उक्लिँदो डलरको भाउले अर्थतन्त्रलाई सघाउन नसकेको बताइन् ।
फागुन २, २०७२ ८।००
वि.सं.२०७२ फागुन २ आइतवार १२:०९ मा प्रकाशित