back

जिविसको बजेट ५ अर्ब ३१ करोडभन्दा बढी

ललितपुर । आव २०७३/७४ का लागि जिल्ला विकास समिति ललितपुरको कुल बजेट पाँच अर्ब ३१ करोड ७२ लाख ९० हजार रूपैयाँ हुने भएको छ ।

जिविसले २५औँ जिल्ला परिषद्को निर्णय सार्वजनिकीकरण गरी यसको जानकारी दिइएको हो । कुल बजेटमध्ये आन्तरिक आयतर्फ १३ करोड २७ लाख ५८ हजार रूपैयाँ रहेको स्थानीय विकास अधिकारी पशुपति पोखरेलले बताए ।

यसैगरी, नेपाल सरकारबाट प्राप्त अनुदान ३६ करोड ९२ लाख २० हजार रूपैयाँ छ । प्राप्त अनुदानबाट निर्वाचन क्षेत्र विकास कार्यक्रमतर्फ चार करोड ९५ लाख रूपैयाँ खर्च गरिने भएको छ ।

यसैगरी, सामाजिक सुरक्षा कार्यक्रमतर्फ पाँच करोड ५० लाख रूपैयाँ प्राप्त अनुदानबाटै खर्च गरिने उनले बताउनुभयो । अन्य अनुदानतर्फ ७४ लाख र भारतीय राजदूतावासबाट कार्यक्रमका लागि दुई करोड ९० लाख रूपैयाँ रहेको छ ।

कुल बजेटमध्ये चालुतर्फ १५ करोड ६६ लाख ५२ हजार र पुँजीगततर्फ ३४ करोड ५३ लाख २६ हजार रूपैयाँ प्रस्तावित छ । प्रस्तावित बजेटको ३१ दशमलव २१ प्रतिशत चालु बजेट र ६८ दशमलव ७९ प्रतिशत पुँजीगत बजेट रहेको अधिकारी पोखरेलले जानकारी दिए ।

यसैगरी, सडकतर्फ ३९ करोड २० लाख, खानेपानी शीर्षकमा ४५ लाख, सिँचाइअन्तर्गत पाँच लाख, भवन निर्माणतर्फ एक करोड २५ लाख रूपैयाँ बजेटमा समावेश गरिएको छ । यस्तै, भौतिक पूर्वाधार निर्माणतर्फ एक करोड २५ लाख तथा बालबालिका शीर्षकमा २१ करोड ४२ लाख रूपैयाँ छुट्याइएको छ ।

बजेटले महिला शीर्षकमा २२ करोड ६८ लाख रूपैयाँ तथा अन्य लक्षित समूह कार्यक्रमतर्फ ४७ करोड २५ लाख रूपैयाँ रकम रहेको छ ।बजेटले कृषितर्फ ३४ करोड ४४ लाख रूपैयाँ रकम छुट्याएको छ ।

यसैगरी, चालु आवभित्र १५ करोड ५४ लाख ८४ हजार रूपैयाँ राजस्व सङ्कलन गर्ने अनुमान गरिएको छ । यो रकम आव २०७१/७२ को यथार्थ १४ करोड दुई लाख ३९ हजार रूपैयाँ भन्दा १० दशमलव ८७ प्रतिशतले बढी र आव २०७२÷७३ को अनुमानित १६ करोड ४७ लाख ६८ हजार रूपैयाँभन्दा ५ दशमलव ६३ प्रतिशतले न्यून रहेको जनाइएको छ ।

यसैगरी, आव २०७३/७४ को बजेट तर्जुमा गर्दा विभिन्न क्षेत्रलाई प्राथमिकता दिएको छ । बजेटले नवीकरणीय ऊर्जाको प्रवद्र्धन, भूकम्पपछिको पुनःनिर्माण, विपद् न्यूनीकरण, कृषि क्षेत्रको आधुनिकीकरण, पिछडिएको जाति, समुदाय तथा भौगोलिक क्षेत्रको उत्थान एवम् विकासमा जोड दिएको छ ।

रोजगारमुखी समावेशी आर्थिक विकासमा समेत बजेटको प्राथमिकता रहेको छ । रासस

२० फागुन २०७२, ११.००

वि.सं.२०७२ फागुन २० बिहीवार १२:३५ मा प्रकाशित

You can share this post!

याक एण्ड यतीमा कानुन विपरित विदेशी कामदार, श्रम विभागमा पर्यो उजुरी

याक एण्ड यतीमा कानुन विपरित विदेशी कामदार, श्रम विभागमा पर्यो उजुरी

वि.सं.२०७९ माघ २३ सोमवार २०:१३

काठमाडौं । काठमाडौंको प्रतिष्ठित पाँचतारे होटेल याक एण्ड यतीमा कानुन...

सुपर माई हाइड्रोपावरको आइपीओमा पहिलो दिनमै बढी आवेदन, यस्तो छ अपडेट

सुपर माई हाइड्रोपावरको आइपीओमा पहिलो दिनमै बढी आवेदन, यस्तो छ अपडेट

वि.सं.२०७९ माघ २३ सोमवार १९:३५

काठमाडौं । सुपरमाई हाइड्रोपावर लिमिटेडको शेयरमा पहिलो दिनमै माग भन्दा...

हिमपातले चीनबाट ल्याइएकाे सामग्री हिल्सामै रोकियाे

हिमपातले चीनबाट ल्याइएकाे सामग्री हिल्सामै रोकियाे

वि.सं.२०७९ माघ २३ सोमवार १७:११

हेमन्त केसी,सुर्खेत । हुम्लाको नारा लेकमा भारी हिमपात भएपछि चीनबाट...

उच्च अदालतको आदेश- पल शाहलाई १५ दिनभित्र उपस्थित गराउनू

उच्च अदालतको आदेश- पल शाहलाई १५ दिनभित्र उपस्थित गराउनू

वि.सं.२०७९ माघ २३ सोमवार १६:५१

काठमाडौं । उच्च अदालत पोखराले अभिनेता पल शाहलाई उपस्थित गराउन...

महँगिदै नेपालीको भान्सा, मूल्यवृद्धि  ७.२६ प्रतिशत पुग्यो

महँगिदै नेपालीको भान्सा, मूल्यवृद्धि ७.२६ प्रतिशत पुग्यो

वि.सं.२०७९ माघ २३ सोमवार १६:४६

काठमाडौं । चालु आर्थिक वर्षको वार्षिक बिन्दुगत उपभोक्ता मुद्रास्फीति ७.२६...

रेमिट्यान्स २४.३ प्रतिशतले बढ्यो, ६ महिनामा ५ खर्ब ८५ अर्ब रेमिट्यान्स भित्रियो

रेमिट्यान्स २४.३ प्रतिशतले बढ्यो, ६ महिनामा ५ खर्ब ८५ अर्ब रेमिट्यान्स भित्रियो

वि.सं.२०७९ माघ २३ सोमवार १६:३१

काठमाडौं । चालु आर्थिक वर्षको ६ महिनामा विप्रेषण (रेमिट्यान्स) आप्रवाह...