back
Kumari Bank

तरकारी बेचेर कमाएको १० लाख रुपैयाँले ट्याक्टर खरिद

Nepal Bank

काठमाण्डौं । महोत्तरी जिल्लाका एक किसानले तरकारी बेचेर कमाएको १० लाख रुपैयाँले ट्याक्टर खरिद गरेका छन् ।

मिहेनत, लगन र इमान्दारीका साथ मानिसले कुनै पनि काम गरेमा चाहेको जुनसुकै वस्तु प्राप्त गर्न सक्ने उदाहरण बनेका छन् जिल्लाको धिरापुर गाविस–९ बरदाहा बस्ने किसान काशिम राइन । मात्र एक वर्षको अवधिमा तरकारी बेचेर कमाएको पैसाले ट्याक्टर खरिद गर्न उनी सफल भएका छन् ।

आफूले यसै वर्षको फागुन महिनामा वर्षभरि तरकारी बेचेर जम्मा गरेको १० लाख ३० हजार रुपैयाँमा एउटा ट्याक्टर किनेको उनले बताए । एक वर्षअघि मात्र सात कट्ठा जग्गामा तरकारी खेती सुरु गरेका काशिम राइनले ६ महिनाअघि फेरि १० कट्ठा बढाएर एक बिघा जग्गामा खेती गरेका हुन् । उनी आफ्नो खेतबारीमा मौसम अनुसारको सबै प्रकारका तरकारी लगाउने गर्दछन् । अहिले उनको खेतमा लौका, फर्सी, घिरौंला, बोडी, करेला, झिमनी, पिँडालु, चुकुन्दर, खुर्सानी लगायतका एकदर्जनभन्दा बढी प्रकारका तरकारी लटरम्म फलेका छन् ।

त्यस्तै, उनले काउली, मूला, भन्टा, परबल लगायतका तरकारी पनि ठूलो फाँटमा लगाएको देखिन्छ । विभिन्न गैरसरकारी संस्थाको सल्लाह तथा प्राविधिक सहयोगमा तरकारी खेती सुरु गरेको काशिम दिनरात तरकारी खेतीमा खटिन्छन् । सात छोरा, चार बुहारी, एक छोरी र १२ नातिनातिना भएका काशिमले परिवारका सबै जनाको सहयोगले तरकारी खेतीबाटै दुई छोरालाई लाखौँ खर्चेर वैदेशिक रोजगारीमा पठाएका छन् । दुई छोरालाई एसएलसी उत्तीर्ण गराएको उनले एक मात्र छोरीको बिहे गरिदिएका छन् । अहिले उनले १० लाखको लागतमा गाउँमा आफ्नै पक्की घरसमेत बनाएका छन् ।

केही वर्ष अघिसम्म फुसको घरमा बस्दैआएका काशिमलाई गुजारा गर्न धौधौ थियो । अहिले तरकारी बेचेर मात्रै उनले वार्षिक न्यूनतम आठदेखि १० लाख रुपैयाँ आम्दानी गर्ने र गाउँमा उनलाई सम्पन्न व्यक्तिका रुपमा हेरिने स्थानीय बासिन्दा बताउँछन् ।

काशिमले तरकारी खेतीमा लागेर गरेको प्रगति देखेर अहिले बरदाहाका सुभान कवारी, समसुद्यिन कवारी, जैतुन खातुन, मैफुल खातुन, सरिफनी खातुन, रैसा खातुन, जासिम कवारी लगायतका करिब दुई दर्जन किसानले पनि बरदाहामा तरकारी खेती सुरु गरेका छन् । बरदाहाका किसानले उत्पादन गरेको तरकारी नेपालका जलेश्वर, मटिहानी, पिपरा, जनकपुर र भारतका मधवापुर, साहरघाट लगायतका बजारमा पुग्ने गरेको छन् । दर्जनौं साना–ठूला व्यापारी खेतसम्मै पनि आएर तरकारी किनेर लैजाने गरेको ती किसान बताउँछन् । रासस
प्रकाशितः २०७२ चैत्र ५

 

वि.सं.२०७२ चैत ५ शुक्रवार ११:१५ मा प्रकाशित

You can share this post!

देशभर मनसुनी वायुको प्रभाव, यस्तो छ मौसम पूर्वानुमान    

देशभर मनसुनी वायुको प्रभाव, यस्तो छ मौसम पूर्वानुमान   

वि.सं.२०८२ असार १३ शुक्रवार ०६:५५

काठमाडौँ : देशभर आंशिकदेखि साधारणतया बदली रहेको छ । जल...

बरुण हाइड्रोपावरले शतप्रतिशत हकप्रद शेयर निष्काशन गर्ने, कहिलेसम्म कायम सेयरधनीले दिने आवेदन ?

बरुण हाइड्रोपावरले शतप्रतिशत हकप्रद शेयर निष्काशन गर्ने, कहिलेसम्म कायम सेयरधनीले दिने आवेदन ?

वि.सं.२०८२ असार १३ शुक्रवार ०६:४९

काठमाडौं । बरुण हाइड्रोपावर कम्पनी लिमिटेडले असार ३१ गतेदेखि हकप्रद...

पोखरा-जोमसोम हवाई उडान दुई महिनाका लागि बन्द,  यस्तो छ कारण   

पोखरा-जोमसोम हवाई उडान दुई महिनाका लागि बन्द, यस्तो छ कारण   

वि.सं.२०८२ असार १३ शुक्रवार ०६:२३

मुस्ताङ : बर्खामा मुस्ताङ भ्रमण गर्ने हवाई यात्रुको सङ्ख्या घट्दै...

विद्यार्थीविहीन सामुदायिक विद्यालय: गाउँका शिक्षक रित्ता कक्षाकोठा रुँगेर बस्न बाध्य

विद्यार्थीविहीन सामुदायिक विद्यालय: गाउँका शिक्षक रित्ता कक्षाकोठा रुँगेर बस्न बाध्य

वि.सं.२०८२ असार १३ शुक्रवार ०६:१६

सन्तोष गौतम म्याग्दी : विद्यार्थी नभएपछि बेनी नगरपालिका–५ माथिल्लो गाजनेको...

यस्तो छ, आजको लागि विदेशी मुद्राको विनिमयदर   

यस्तो छ, आजको लागि विदेशी मुद्राको विनिमयदर   

वि.सं.२०८२ असार १३ शुक्रवार ०६:०८

काठमाडौँ  : नेपाल राष्ट्र बैंकले आजका लागि विदेशी मुद्राको विनिमय...

आज १३ आषाढ २०८२ शुक्रवार, कस्तो रहला आजको राशिफल ?

आज १३ आषाढ २०८२ शुक्रवार, कस्तो रहला आजको राशिफल ?

वि.सं.२०८२ असार १३ शुक्रवार ०६:०२

मेष मेष (चु, चे, चो, ला, लि, लु, ले, लो,...