काठमाडौं । साताको पहिलो दिन आइतवार नेप्से परिसुचक २० दशमलव १९ अंकले उकालो लागेको छ भने दिनभरमा १ अर्ब १४ करोडको कारोबार भएकोछ ।
आइतवार सेयर बजारमा बढी प्रभाव रहेको बैंकिङ समुहको परिसुचक बढ्दा समग्र बजारमा सकारात्मक प्रभाव परेको हो । आज बैंकिङ समूहको परिसुचक सवैभन्दा बढी ३६ दशमलव ५४ अंक्ले उकालो लागेको छ । त्यस्तै होटल समुहको परिसुचक ८ दशमलव ९६ र जलविद्युत समुह ६ अंकले उकालो लागेको छ । त्यसैगरी फाइनान्स र बीमा समुह क्रमशः १ दशमलव ६६ र ० दशमलव ७८ अंकले उकालो लागेको छ ।
आज १ सय २९ कम्पनी कारोवारमा आएका थिए । सबै कम्पनीको १४ लाख ८६ हजार कित्ता सेयरबाट १ अर्व १४ करोडको कारोवार भएको छ ।
१४ चैत, २०७२, ३.३०
वि.सं.२०७२ चैत १४ आइतवार १५:५४ मा प्रकाशित
