काठमाण्डौं । मलेसियामा कार दुर्घटनामा परी दुई जना नेपाली युवाको मृत्यु भएको छ । काजाङको मेट्रो काजाङु क्षेत्रको एक सडक खण्डमा मंगलबार राती भएको दुर्घटनामा परि गोरखा बुङकोटका अन्दाजी ३४ वर्षीय रामशरण थापा र सलकपुर, मोरङ घर भई काजाङ क्षेत्रमै कार्यरत २४ वर्षीय लोकमान कार्कीको मृत्यु भएको छ ।
उनीहरु काजाङमै व्यवसायमा संलग्न थिए । मंगलबार मध्यराती ५ जना नेपाली सवार कार दुर्घटनामा परेको हो । घटनाबारे प्रहरीमार्फत बुधबार बिहान मात्रै खबर थाहा पाइएको मलेसियामा बस्ने किरणले बताए ।
घटनामा अन्य तीन जना नेपाली घाइते भएका छन् । उनका अनुसार दुईजनाको अवस्था गम्भिर रहेको र उनीहरुको काजाङस्थित अस्पतालमा उपचार भइरहेको छ । उनीहरुबारे विस्तृत जानकारी पाउन सकीएको छैन ।
घटना कसरी भयो भन्नेबारे अनुसन्धान भइरहेको बताइएको छ ।
प्रकाशितः २०७२ चैत्र १८
वि.सं.२०७२ चैत १८ बिहीवार १६:४६ मा प्रकाशित
